ആഷസ് പരമ്പരയിലെ ബോക്സിംഗ് ഡേ ടെസ്റ്റിനുള്ള സ്ക്വാഡിൽ ഓസ്ട്രേലിയ സ്കോട്ട് ബോളണ്ടിനെ ഉള്‍പ്പെടുത്തി. അഡിലെയ്ഡിൽ ടീമിനൊപ്പം പരിശീലിക്കുകയായിരുന്ന ബോളണ്ടിനെ സ്ക്വാഡില്‍ ചേര്‍ന്നുവെന്നാണ് ക്രിക്കറ്റ് ഓസ്ട്രേലിയ പുറത്ത് വിട്ട മീഡിയ റിലീസിൽ വ്യക്തമാക്കിയത്.
വിക്ടോറിയയ്ക്ക് വേണ്ടി മികച്ച പ്രകടനം ആണ് ഈ വര്‍ഷം താരം പുറത്തെടുത്തത്. ഇംഗ്ലണ്ട് ലയൺസിനെതിരെ കളിച്ച ശേഷമാണ് ബോളണ്ട് അഡിലെയ്ഡിൽ ടീമിനൊപ്പം ചേര്‍ന്നത്.
ഓസ്ട്രേലിയന്‍ പേസ് ബൗളിംഗ് നിരയുടെ വര്‍ക്ക് ലോഡ് മാനേജ്മെന്റിന്റെ ഭാഗമായിട്ടാകും ഈ തീരുമാനം.
