Local Sports News in Malayalam

പാക്കിസ്ഥാന്റെ മുഖ്യ കോച്ച് ആവാന്‍ ആന്‍ഡി ഫ്ലവര്‍ യോഗ്യന്‍ – അസ്ഹര്‍ മഹമ്മൂദ്

മുൽത്താന്‍ സുല്‍ത്താന്‍സിന്റെ മുഖ്യ കോച്ച് ആയ ആന്‍ഡി ഫ്ലവര്‍ പാക്കിസ്ഥാന്റെ മുഖ്യ കോച്ച് ആകുവാന്‍ ഏറെ യോഗ്യനാണെന്ന് പറഞ്ഞ് അസ്ഹര്‍ മഹമ്മൂദ്. സുല്‍ത്താന്‍സിൽ മഹമ്മൂദ് ഫ്ലവറിനൊപ്പം കോച്ചിംഗ് സ്റ്റാഫിൽ ബൗളിംഗ് കോച്ചായി സഹായത്തിനുണ്ടായിരുന്നു. ഈ സീസൺ പാക്കിസ്ഥാന്‍ സൂപ്പര്‍ ലീഗിലെ കിരീട ജേതാക്കളായിരുന്നു മുൽത്താന്‍ സുല്‍ത്താന്‍സ്.

മറ്റുള്ളവരുടെ അഭിപ്രായങ്ങള്‍ കേള്‍ക്കുവാന്‍ കഴിവുള്ള ആന്‍ഡി ഫ്ലവറിനൊപ്പം പ്രവര്‍ത്തിക്കുവാന്‍ സാധിച്ചത് വലിയ ബഹുമതിയായാണ് കാണുന്നതെന്നും മുന്‍ പാക്കിസ്ഥാന്‍ ഓള്‍റൗണ്ടര്‍ പറഞ്ഞു. ടി10ലും രണ്ട് പാക്കിസ്ഥാന്‍ സൂപ്പര്‍ ലീഗ് സീസണിലും താന്‍ ആന്‍ഡി ഫ്ലവറിനൊപ്പം പ്രവര്‍ത്തിച്ചിട്ടുണ്ടെെന്നും തനിക്ക് വളരെ അധികം ഇഷ്ടമുള്ള വ്യക്തിയാണ് ഫ്ലവര്‍ എന്നും അസ്ഹര്‍ വ്യക്തിമാക്കി

മോഡേൺ ഡേ ക്രിക്കറ്റിനെക്കുറിച്ച് മികച്ച വിവരം ഉള്ളയാളാണ് ആന്‍ഡി ഫ്ലവറെന്നും താന്‍ ഭാവിയിൽ ഫ്ലവര്‍ പാക്കിസ്ഥാന്‍ കോച്ചായി എത്തുമെന്ന് പ്രതീക്ഷിക്കുന്ന വ്യക്തിയാണെന്നും സൂചിപ്പിച്ചു.

You might also like