2021-22 പ്രാദേശിക സീസണിൽ മുംബൈയുടെ കോച്ചായി അമോൽ മജൂംദാറിനെ നിയമിച്ചു. വിനോദ് കാംബ്ലി, ജതിൻ പരാംജ്പേ, നിലേഷ് കുൽക്കര്ണ്ണി എന്നിവരടങ്ങിയ ക്രിക്കറ്റ് ഇംപ്രൂവ്മെന്റ് കമ്മിറ്റിയാണ് മജൂംദാറിനെ തിരഞ്ഞെടുത്തത്. വസ ജാഫര്, സായിരാജ് ബഹുതുലേ, ബൽവീന്ദര് സന്ധു തുടങ്ങി മറ്റു എട്ട് അപേക്ഷകരെ പിന്തള്ളിയാണ് അമോലിനെ ഈ ചുമതലയേല്പിക്കുന്നത്.
രാജസ്ഥാൻ റോയൽസ് ടീമിന്റെ കോച്ചായി ഇദ്ദേഹം പ്രവര്ത്തിച്ചിട്ടുണ്ട്. മുംബൈയുടെ മുൻ ക്യാപ്റ്റനായിരുന്ന മജൂംദാര് 171 ഫസ്റ്റ് ക്ലാസ് മത്സരങ്ങളിൽ നിന്നായി 11000 റൺസ് നേടിയിട്ടുണ്ട്. രമേശ് പവാര് ഇന്ത്യൻ വനിത ടീമിന്റെ കോച്ചായി പോയതോടെ വന്ന ഒഴിവിലേക്കാണ് മജൂംദാര് എത്തുന്നത്.
