അമ്പാട്ടി റായിഡു, ശ്രേയസ് അയ്യർ എന്നിവരിൽ ഒരാൾ ലോകകപ്പ് ടീമിൽ വേണമായിരുന്നു: രവി ശാസ്ത്രി

Staff Reporter

Download the Fanport app now!
Appstore Badge
Google Play Badge 1

2019 ഏകദിന ലോകകപ്പിനുള്ള ഇന്ത്യൻ ടീമിൽ അമ്പാട്ടി റായിഡു, ശ്രേയസ് അയ്യർ എന്നിവരിൽ ഒരാൾ ഉണ്ടാവണമായിരുന്നെന്ന് മുൻ ഇന്ത്യൻ പരിശീലകൻ രവി ശാസ്ത്രി. ലോകകപ്പിനുള്ള ഇന്ത്യൻ ടീമിൽ മൂന്ന് വിക്കറ്റ് കീപ്പർമാരെ ഉൾപ്പെടുത്തിയത് ശെരിയായിരുന്നില്ലെന്നും രവി ശാസ്ത്രി പറഞ്ഞു. ലോകകപ്പിനുള്ള ടീമിനെ തിരഞ്ഞെടുക്കുന്നതിൽ തനിക്ക് കാര്യമായ പങ്ക് ഉണ്ടായിരുന്നില്ലെന്നും രവി ശാസ്ത്രി പറഞ്ഞു.

മഹേന്ദ്ര സിംഗ് ധോണി, റിഷഭ് പന്ത്, ദിനേശ് കാർത്തിക് എന്നീ കീപ്പർമാരെയാണ് ഇന്ത്യ 2019നുള്ള ഇന്ത്യൻ ടീമിൽ ഉൾപ്പെടുത്തിയത്. എന്നാൽ ഈ തീരുമാനത്തിൽ താൻ സംതൃപ്തൻ അല്ലായിരുന്നെന്നും ഒരു വിക്കറ്റ് കീപ്പർക്ക് പകരം ശ്രേയസ് അയ്യരെയോ അമ്പാട്ടി റായിഡുവിനെയോ ടീമിൽ ഉൾപെടുത്തണമായിരുന്നെന്നും രവി ശാസ്ത്രി പറഞ്ഞു. 2019 ഏകദിന ലോകകപ്പിൽ മികച്ച പ്രകടനം പുറത്തെടുത്ത ഇന്ത്യ സെമി ഫൈനലിൽ ന്യൂസിലാൻഡിനോട് തോറ്റ് പുറത്തായിരുന്നു.