ഹാംഷയറിനു വേണ്ടി അരങ്ങേറ്റത്തില്‍ ശതകം നേടി അജിങ്ക്യ രഹാനെ

ഇന്ത്യന്‍ ലോകകപ്പ് ടീമില്‍ അവസരം ലഭിച്ചില്ലെങ്കിലും ടെസ്റ്റിലെ ഇന്ത്യയുടെ ഉപ നായകന് കൗണ്ടി ക്രിക്കറ്റില്‍ മികച്ച അരങ്ങേറ്റം. ഇന്ന് ഹാംഷയറിനു വേണ്ടി തന്റെ അരങ്ങേറ്റം കുറിച്ച അജിങ്ക്യ രഹാനെ തന്റെ ശതകം പൂര്‍ത്തിയാക്കുകയായിരുന്നു. അരങ്ങേറ്റത്തില്‍ ശതകം നേടുന്ന മൂന്നാമത്തെ ഇന്ത്യന്‍ താരം കൂടിയായി ഇതോടെ രഹാനെ. നോട്ടിഗാംഷയറിനു എതിരെയായിരുന്നു ഹാംഷയറിന്റെ മത്സരം.

2009ല്‍ സസ്സെക്സിനു വേണ്ടി അരങ്ങേറ്റത്തില്‍ പിയൂഷ് ചൗളയും 2018ല്‍ എസ്സെക്സിനു വേണ്ടി മുരളി വിജയ്‍യുമാണ് ഇതിനു മുമ്പ് അരങ്ങേറ്റത്തില്‍ ശതകം നേടിയ ഇന്ത്യന്‍ താരങ്ങള്‍. 179 പന്തില്‍ നിന്നാണ് 12 ഫോര്‍ അടക്കം താരം ശതകം നേടിയത്.