ആബിദ് അലിയ്ക്കും ഷാന്‍ മക്സൂദിനും ശതകം, കറാച്ചി ടെസ്റ്റില്‍ പിടിമുറുക്കി പാക്കിസ്ഥാന്‍

കറാച്ചി ടെസ്റ്റില്‍ പാക്കിസ്ഥാന്‍ മികച്ച രീതിയില്‍ മുന്നോട്ട് കുതിയ്ക്കുന്നു. ആദ്യ ഇന്നിംഗ്സില്‍ 191 റണ്‍സിന് പുറത്തായ ടീം രണ്ടാം ഇന്നിംഗ്സില്‍ വിക്കറ്റ് നഷ്ടമില്ലാതെ 217 റണ്‍സാണ് 53 ഓവറില്‍ നേടിയിട്ടുള്ളത്. 80 റണ്‍സിന്റെ ഒന്നാം ഇന്നിംഗ്സ് ലീഡ് നേടിയ ലങ്കയ്ക്കെതിരെ ഇപ്പോള്‍ പാക്കിസ്ഥാന് 137 റണ്‍സിന്റെ ലീഡാണുള്ളത്.

ആബിദ് അലിയും ഷാന്‍ മക്സൂദും ശതകങ്ങളുമായി നിലയുറപ്പിച്ചപ്പോള്‍ മൂന്നാം ദിവസം പൂര്‍ണ്ണമായ ആധിപത്യമാണ് പാക്കിസ്ഥാന്‍ നേടിയത്. ഇരു താരങ്ങളും മികച്ച വേഗത്തിലാണ് സ്കോറിംഗ് നടത്തുന്നത്. ആബിദ് അലി 110 റണ്‍സും ഷാന്‍ മക്സൂദ് 103 റണ്‍സും നേടിയാണ് ക്രീസില്‍ നില്‍ക്കുന്നത്.