താനും ഒരിക്കല്‍ ഐപിഎല്‍ കളിക്കും, സിംബാബ്‍വേയുടെ ചരിത്ര വിജയത്തിന് പിന്നിലെ താരം

Lukejongwe

സിംബാബ്‍വേ ഇന്നലെ പാക്കിസ്ഥാനെതിരെയുള്ള തങ്ങളുടെ ആദ്യ ടി20 വിജയത്തിലേക്ക് എത്തിയപ്പോള്‍ അതില്‍ നിര്‍ണ്ണായക പ്രകടന പുറത്തെടുത്തത് നാല് വിക്കറ്റ് നേടിയ ലൂക്ക് ജാംഗ്വേ ആയിരരുന്നു. 118 റണ്‍സ് മാത്രം സിംബാബ്‍വേ നേടിയപ്പോള്‍ പാക്കിസ്ഥാനെ 99 റണ്‍സിന് ഓള്‍ഔട്ട് ആക്കിയാണ് 19 റണ്‍സിന്റെ വിജയം ആതിഥേയര്‍ സ്വന്തമാക്കിയത്.

ഇതില്‍ തന്റെ 3.5 ഓവറില്‍ 18 റണ്‍സ് മാത്രം വിട്ട് നല്‍കി 4 വിക്കറ്റാണ് ലൂക്ക് ജോംഗ്വേ നേടിയത്. ഓപ്പണര്‍മാരായ മുഹമ്മദ് റിസ്വാനെയും ബാബര്‍ അസമിനെയും പുറത്താക്കിയ താരം വാലറ്റത്തില്‍ ഹാരിസ് റൗഫിനെയും അര്‍ഷദ് ഇക്ബാലിനെയും പുറത്താക്കി. ഇതില്‍ 41 റണ്‍സ് നേടി ബാബര്‍ പുറത്തായ ശേഷമാണ് പാക്കിസ്ഥാന്റെ തകര്‍ച്ചയുടെ തുടക്കം.

താനും ഒരിക്കല്‍ ഐപിഎല്‍ കളിക്കുമെന്നാണ് ലൂക്ക് ജോംഗ്വേ 2017ല്‍ ഒരു ട്വീറ്റില്‍ കുറിച്ചത്. അത് ഇപ്പോള്‍ സമൂഹ മാധ്യമങ്ങളില്‍ വൈറല്‍ ആയി മാറിയിരിക്കുകയാണ്.