ചാമ്പ്യൻസ് ലീഗ് മത്സരങ്ങളിൽ നിർണായക മാറ്റങ്ങളുമായി യുവേഫ

യുവേഫയുടെ ചാമ്പ്യൻസ് ലീഗ്, യൂറോപ്പ ലീഗ് മത്സരങ്ങളിൽ അടുത്ത സീസൺ മുതൽ നാലാമത്തെ സബ്സ്റ്റിട്യൂഷൻ അനുവധിച്ചേക്കും. എക്സ്ട്രാ ടൈമിലേക്ക് നീളുന്ന നോകൗട്ട് മത്സരങ്ങളിൽ മാത്രം ടീമുകൾക്ക് നാലാമത്തെ താരത്തെ ഉപയോഗിക്കാൻ യുവേഫ അനുമതി നൽകും.

നിലവിൽ ലോകകപ്പിൽ എക്സ്ട്രാ ടൈമിൽ നാലാമത്തെ സബ്സ്റ്റിട്യൂഷൻ ഉപയോഗിക്കാൻ ഫിഫ അനുമതി ഉണ്ട്. ഫിഫയുടെ ഈ നിയമം യുവേഫയും പിന്തുടരാൻ തീരുമാനിക്കുകയായിരുന്നു.

യുവേഫയുടെ ചാമ്പ്യൻസ് ലീഗിന് പുറമെ യൂറോപ്പ ലീഗ്, സൂപ്പർ കപ്പ്, വനിതാ ചാമ്പ്യൻസ് ലീഗ്, യൂറോ കപ്പ് തുടങ്ങിയവയിലും പുതിയ പരിഷ്കാരം ബാധകമാവും.

കൂടുതൽ കായിക വാർത്തകൾക്ക് : www.facebook.com/FanportOfficial