Author: na

യൂറോകപ്പ് മത്സരത്തിന് ഇടയിൽ ഹൃദയാഘാതം ഉണ്ടായ ഡാനിഷ് മിഡ്ഫീൽഡർ ക്രിസ്റ്റിയൻ എറിക്സൻ അതിനുശേഷം ആദ്യമായി ഇറ്റലിയിൽ. താൻ കളിക്കുന്ന ക്ലബ്ബായ ഇന്റർ മിലാനിലെ സഹ താരങ്ങളെയും ,ക്ലബ്ബ് അധികൃതരെയും താരം സന്ദർശിച്ചു. താരം മികച്ച ആരോഗ്യ നിലയിൽ ആണ് ഇപ്പോൾ ഉള്ളത്.

മിലാനിൽ എത്തിയെങ്കിലും താരം വൈകാതെ ഡെന്മാർക്കിലേക്ക് പോകും. അവിടെയാകും താരം തന്റെ ചികിത്സ തുടരുക. ഇന്റർ മിലാനിലെ ഡോക്ടർമാരും താരത്തിന്റെ ആരോഗ്യ കാര്യങ്ങളിൽ കൃത്യമായ വിവരങ്ങൾ തേടും. ജൂൺ 12 ന് ഫിൻലാന്റിന് എതിരായ യൂറോ മത്സരത്തിന് ഇടയിലാണ് താരത്തിന് ഹൃദയാഘാതം ഉണ്ടായത്. കളിക്കളത്തിൽ തന്നെ വീണ താരത്തിന്റെ ആരോഗ്യ നിലയിൽ വൻ ആശങ്ക ഉണ്ടായിരുന്നെങ്കിലും ആശുപത്രിയിലേക്ക് മാറ്റിയ താരത്തിന്റെ ആരോഗ്യനില മെച്ചപ്പെടുകയായിരുന്നു.

യൂറോ കപ്പിൽ മോശം പ്രകടനത്തോടെ പുറത്തായ ഹോളണ്ട് പരിശീലകൻ ഫ്രാങ്ക് ഡിബോറിന് പകരക്കാരനായി ലൂയിസ് വാൻ ഗാൽ ഹോളണ്ട് പകുരിശീലകനായി ചുമതല എൽക്കും. 2022 ലോകകപ്പ് അവസാനം വരെ അദ്ദേഹം ഓറഞ്ച് പടയുടെ പരിശീലക സ്ഥാനത്ത് ഉണ്ടാവും എന്ന് ഡച് ഫുട്‌ബോൾ അസോസിയേഷൻ പ്രഖ്യാപിച്ചു.

2016 ൽ മാഞ്ചസ്റ്റർ യുണൈറ്റഡ് പരിശീലകനായി ചുമതല ഒഴിഞ്ഞ ശേഷം ആദ്യമായാണ് വാൻ ഗാൽ ഫുട്‌ബോൾ പരിശീലക റോളിൽ വീണ്ടും എത്തുന്നത്. ഇത് മൂന്നാം തവണയാണ് അദ്ദേഹം തന്റെ രാജ്യത്തെ പരിശീലിപ്പിക്കാൻ എത്തുന്നത്. മുൻപ് 2000- 2002 കാലയലളവിലും, 2012-2014 കാലയളവിലും ദേശീയ ടീമിനെ പരിശീലിപ്പിച്ചിട്ടുണ്ട്.

യൂറോ കപ്പിൽ നോകൗട്ട് റൗണ്ടിൽ നാണം കെട്ട് പുറത്തായതോടെ ഹോളണ്ട് പരിശീലകൻ ഫ്രാങ്ക് ഡിബോറിനെ പുറത്താക്കാൻ നെതർലാന്റ്സ് ഫുട്‌ബോൾ അസോസിയേഷൻ തീരുമാനിച്ചു. ഗ്രൂപ്പ് സ്റ്റേജിൽ മികച്ച പ്രകടനം നടത്തിയെങ്കിലും റൌണ്ട് 16 മത്സരത്തിൽ ചെക്ക് റിപബ്ലിക്കിനോട് തീർത്തും മോശം പ്രകടനം നടത്തിയാണ് ഓറഞ്ച് പട പുറത്തായത്.!! ഇതോടെ അദ്ദേഹത്തിന്റെ സ്ഥാനം നഷ്ടപ്പെടും എന്ന് ഏറെക്കുറെ ഉറപ്പായിരുന്നു.

മത്സര ശേഷം തോൽവിയുടെ ഉത്തരവാദിത്തം അദ്ദേഹം ഏറ്റെടുത്തിരുന്നു. ഡച് ഫുട്‌ബോൾ അസോസിയേഷനും ഡിബോറും പിരിയാൻ സംയുക്തമായാണ് ധാരണയായത്. കേവലം ഒരു വർഷം പോലും തികകാതെയാണ് അദ്ദേഹം സ്ഥാനം ഒഴിയുന്നത്. ബാഴ്സ പരിശീലകനാകാൻ കൂമാൻ സ്ഥാനം ഒഴിഞ്ഞതോടെയാണ് മുൻ ഹോളണ്ട് ദേശീയ ടീം അംഗം കൂടിയായ ഡിബോർ സ്ഥാനം ഏറ്റെടുത്തത്.