പുജാരയ്ക്ക് പിന്നാലെ ഋഷഭ് പന്തും ശതകം നേടിയ സിഡ്നി ടെസ്റ്റില്‍ ഇന്ത്യ കൂറ്റന്‍ സ്കോര്‍ നേടി ഡിക്ലയര്‍ ചെയ്തു. ഏഴാം വിക്കറ്റില്‍ 204 റണ്‍സ് നേടി പന്ത്-ജഡേജ കൂട്ടുകെട്ടാണ് മത്സരം ഓസ്ട്രേലിയയുടെ കൈക്കല്‍ നിന്ന് തട്ടിയെടുത്തത്. 622 റണ്‍സ് നേടിയാണ് ഇന്ത്യ തങ്ങളുടെ ഇന്നിംഗ്സ് ഡിക്ലയര്‍ ചെയ്തത്. ഋഷഭ് പന്ത് 159 റണ്‍സുമായി പുറത്താകാതെ നിന്നപ്പോള്‍ രവീന്ദ്ര ജഡേജ 81 റണ്‍സ് നേടി പുറത്തായി.
ജഡേജ പുറത്തായതോടെ ഇന്ത്യ തങ്ങളുടെ ഇന്നിംഗ്സ് 622/7 എന്ന നിലയില്‍ ഡിക്ലയര്‍ ചെയ്തു. നഥാന്‍ ലയണിനാണ് ജഡേജയുടെ വിക്കറ്റ് ലഭിച്ചത്. ഓസ്ട്രേലിയന്‍ ബൗളര്‍മാരെ തലങ്ങും വിലങ്ങും പ്രഹരിച്ച ഇരുവരും ചേര്‍ന്ന് ഓസ്ട്രേലിയയുടെ മനോബലത്തെ തകര്‍ക്കുകയായിരുന്നു മൂന്നാം സെഷനില്‍.
