എഡ്ജ്ബാസ്റ്റണിൽ രോഹിത് ശര്‍മ്മ കളിക്കില്ലെന്നത് തീരുമാനം ആയിട്ടില്ലെന്നും താരത്തിന്റെ കോവിഡ് ടെസ്റ്റ് രണ്ട് ദിവസത്തിനുള്ളിൽ എടുത്ത ശേഷം മാത്രമാകും ഇത് സംബന്ധിച്ച തീരുമാനം ഉണ്ടാകുകയെന്നും പറഞ്ഞ് ഇന്ത്യന്‍ ടീമിന്റെ മുഖ്യ കോച്ച് രാഹുല്‍ ദ്രാവിഡ്.
നേരത്തെ രോഹിത് ഈ ടെസ്റ്റിൽ കളിക്കില്ലെന്നും താരത്തിന് പകരം ജസ്പ്രീത് ബുംറ ടീമിനെ നയിക്കുമെന്ന തരത്തിലുള്ള റിപ്പോര്‍ട്ടുകള്‍ വന്നിരുന്നു. ജൂലൈ 1ന് ആണ് എഡ്ജ്ബാസ്റ്റൺ ടെസ്റ്റ് ആരംഭിയ്ക്കുന്നത്.
ഇന്നും നാളെയും രണ്ട് കോവിഡ് ടെസ്റ്റുകള്‍ രോഹിത്തിന്മേൽ നടത്തുമെന്നും മത്സരത്തിന് ഇനിയും 24 മണിക്കൂറിലധികം ഉള്ളതിനാൽ തന്നെ താരത്തിന്റെ സാന്നിദ്ധ്യം ഇല്ലെന്ന് ഉറപ്പിക്കാനാകില്ലെന്നും ദ്രാവിഡ് വ്യക്തമാക്കി.
രോഹിത്തിന്റെ അഭാവത്തിൽ ജസ്പ്രീത് ബുംറ ടീമിനെ നയിക്കുമോ എന്നതിനെക്കുറിച്ചും രാഹുല്‍ ദ്രാവിഡ് അഭിപ്രായം പറഞ്ഞില്ല. താന്‍ ഇപ്പോള്‍ ഇതിനെക്കുറിച്ച് പറയുവാന്‍ ആയിട്ടില്ലെന്നും ഔദ്യോഗികമായ അറിയിച്ച് സെലക്ടര്‍മാരിൽ നിന്നോ ബിസിസിഐയിൽ നിന്നോ ലഭിയ്ക്കട്ടേ എന്നും ദ്രാവിഡ് കൂട്ടിചേര്‍ത്തു.
