ട്രെന്റ് ബോള്‍ട്ട് തിരികെ എത്തും, എന്നാല്‍ ഒരു പ്രധാന പേസര്‍ക്ക് ന്യൂസിലാണ്ട് വിശ്രമം നല്‍കുവാന്‍ സാധ്യത

- Advertisement -

ലോര്‍ഡ്സിലെ ആദ്യ ടെസ്റ്റ് കളിക്കാതിരുന്ന ട്രെന്റ് ബോള്‍ട്ട് എഡ്ജ്ബാസ്റ്റണിൽ തിരികെ എത്തുമെന്ന് സൂചന നല്‍കി കോച്ച് ഗാരി സ്റ്റെഡ്. എന്നാൽ ന്യൂസിലാണ്ട് ടിം സൗത്തി, നീൽ വാഗ്നര്‍, കൈൽ ജാമിസൺ എന്നിവരിൽ ഒരാള്‍ക്ക് വിശ്രമം നല്‍കിയേക്കുമെന്നും മിച്ചൽ സാന്ററുടെ പരിക്ക് സൃഷ്ടിച്ച വിടവിൽ മാറ്റ് ഹെന്‍റി, ജേക്കബ് ഡഫി, ഡഗ് ബ്രേസ്‍വെൽ എന്നിവരിൽ ഒരാള്‍ക്ക് സാധ്യതയുണ്ടാകും എന്നാണ് അറിയുന്നത്.

ലോക ടെസ്റ്റ് ചാമ്പ്യന്‍ഷിപ്പ് ഫൈനലിന് വേണ്ടി തങ്ങളുടെ പേസര്‍മാര്‍ക്ക് ആവശ്യത്തിന് വിശ്രമം നല്‍കുകയെന്ന ലക്ഷ്യത്തോടെയാണ് ഈ പ്രധാന പേസര്‍മാരിൽ ഒരാള്‍ക്ക് വിശ്രമം നല്‍കുവാന്‍ ന്യൂസിലാണ്ട് ഒരുങ്ങുന്നത്. ജൂൺ 18ന് സൗത്താംപ്ടണിൽ ഇന്ത്യയ്ക്കെതിരെ ആണ് ന്യൂസിലാണ്ടിന്റെ ഫൈനൽ മത്സരം.

Advertisement