വിംബിൾഡൺ സെമിഫൈനലിലേക്ക് മുന്നേറി സീഡ് ചെയ്യാത്ത ഉക്രൈൻ താരം ഏലീന സ്വിറ്റോലിന. ലോക ഒന്നാം നമ്പർ ഇഗ സ്വിറ്റെകിനെ അവിശ്വസനീയം ആയ പോരാട്ടത്തിൽ അട്ടിമറിച്ചു ആണ് താരം തന്റെ മൂന്നാം ഗ്രാന്റ് സ്ലാം സെമിഫൈനൽ ഉറപ്പിച്ചത്. വിംബിൾഡണിൽ താരത്തിന്റെ രണ്ടാം സെമിഫൈനൽ ആണ് ഇത്. പ്രസവത്തിനു തിരിച്ചു വന്ന സ്വിറ്റോലിനയുടെ അവിസ്മരണീയ തിരിച്ചു വരവ് ആണ് ഇത്.
14 മത്സരങ്ങൾ തുടർച്ചയായി ജയിച്ചു വന്ന ഇഗയെ 3 സെറ്റ് പോരാട്ടത്തിൽ ആണ് സ്വിറ്റോലിന മറികടന്നത്. ആദ്യ സെറ്റ് 7-5 നു നേടിയ ഉക്രൈൻ താരത്തിനു എതിരെ രണ്ടാം സെറ്റ് ടൈബ്രേക്കറിൽ കൂടെ ഇഗ നേടി. എന്നാൽ മൂന്നാം സെറ്റിൽ ഇഗയെ തീർത്തും അപ്രസക്തമാക്കി സ്വിറ്റോലിന, 6-2 നു സെറ്റ് നേടിയ താരം അവിശ്വസനീയ റിസൾട്ട് കരസ്ഥമാക്കി. സെമിഫൈനലിൽ മറ്റൊരു അട്ടിമറിയും ആയി വരുന്ന മാർകെറ്റ വോണ്ടറൗസോവയെ ആണ് സ്വിറ്റോലിന നേരിടുക.
