യുഎസ് ഓപ്പൺ പ്രധാന ഡ്രോയിൽ യോഗ്യത നേടുകയെന്ന അങ്കിത റെയ്‍നയുടെ മോഹങ്ങള്‍ക്ക് തിരിച്ചടി. ലോക റാങ്കിംഗിൽ 195ാം സ്ഥാനത്തുള്ള ജാമി ലോബിനോട് മൂന്ന് സെറ്റ് പോരാട്ടത്തിനൊടുവിൽ തോല്‍വിയേറ്റ് വാങ്ങിയാണ് അങ്കിത പുറത്തായത്. സ്കോര്‍: 3-6, 6-2, 4-6. ലോക റാങ്കിംഗിൽ 192ാം സ്ഥാനമാണ് അങ്കിതയുടേത്.
യോഗ്യത റൗണ്ടിൽ മൂന്ന് മത്സരങ്ങളിൽ വിജയിച്ചിരുന്നുവെങ്കിൽ പ്രധാന ഡ്രോയിലേക്ക് ഇന്ത്യന്‍ താരത്തിന് യോഗ്യത ലഭിയ്ക്കുമായിരുന്നു. സുമിത് നഗാൽ, പ്രജ്നേഷ് ഗുണ്ണേശ്വരന്‍, രാംകുമാര്‍ രാമനാഥന്‍ എന്നിവരാണ് യോഗ്യത റൗണ്ടിൽ കളിക്കുന്ന മറ്റു താരങ്ങള്‍.
