വെസ്റ്റിന്‍ഡീസിനെതിരെ ടെസ്റ്റ് പരമ്പരയിൽ ഒപ്പമെത്തുവാന്‍ പാക്കിസ്ഥാന് നേടേണ്ടത് 5 വിക്കറ്റ് കൂടി. മത്സരത്തിൽ ഇനി രണ്ട് സെഷന്‍ കൂടി അവശേഷിക്കുമ്പോള്‍ വിന്‍ഡീസ് 216 റൺസ് കൂടി വിജയത്തിനായി നേടേണം.
അഞ്ചാം ദിവസം ലഞ്ചിന് പിരിയുമ്പോള്‍ ആതിഥേയര്‍ 113/5 എന്ന നിലയിലാണ്. 39 റൺസ് നേടിയ ക്രെയിഗ് ബ്രാത്‍വൈറ്റും 3 റൺസ് നേടി കൈല്‍ മയേഴ്സുമാണ് വിന്‍ഡീസിനായി ക്രീസിലുള്ളത്.
കീരന്‍ പവൽ(23), ജെര്‍മൈന്‍ ബ്ലാക്ക്വുഡ്(25), അല്‍സാരി ജോസഫ്(17) എന്നിവരുടെ വിക്കറ്റുകളാണ് വിന്‍ഡീസിന് നഷ്ടമായത്.
