സ്‌പെയിനിലെ പ്രളയബാധിതർക്ക് താമസിക്കാൻ ഇടം ഒരുക്കി റാഫേൽ നദാൽ മാതൃകയായി. ലോകത്തിലെ തന്നെ ഒന്നാം നമ്പർ അക്കാദമികളിൽ ഒന്നായ നദാൽ ടെന്നീസ് അക്കാദമിയിൽ താമസിക്കാൻ പ്രളയ ബാധിതർക്ക് ഇടം അനുവദിച്ചാണ് ഈ ഇടം കയ്യൻ ലോകത്തിന് മാതൃകയായത്. പെട്ടെന്നുണ്ടായ വെള്ളപ്പൊക്കത്തിൽ നിരവധി പേരെ കാണാതാകുകയും, കുറച്ച് പേർ മരണപ്പെട്ടിട്ടുമുണ്ട്.
അക്കാദമിയിൽ താമസിക്കാൻ ഉള്ള ക്ഷണം സോഷ്യൽമീഡിയ വഴി നദാലിന്റെ പ്രൊഫൈലുകളിൽ നിന്ന് ഷെയർ ചെയ്തിട്ടുമുണ്ട് താരം. റോജർ ഫെഡററെ പോലെ സാമൂഹ്യസേവനങ്ങൾക്ക് വേണ്ടി ഫൗണ്ടേഷനും ഈ ഒന്നാം നമ്പർ താരത്തിന്റെ പേരിലുണ്ട്.
