ഫ്രഞ്ച് ഓപ്പൺ രണ്ടാം റൗണ്ടിലേക്ക് മുന്നേറി ക്വിറ്റോവയും ബെർട്ടൻസും

Petrakvitova
- Advertisement -

ഫ്രഞ്ച് ഓപ്പൺ രണ്ടാം റൗണ്ടിലേക്ക് മുന്നേറി അഞ്ചാം സീഡ് കിക്കി ബെർട്ടൻസ്. ഉക്രൈൻ താരം കത്രീന സവസ്റ്റാകയുടെ വെല്ലുവിളി അതിജീവിച്ച് ആണ് ബെർട്ടൻസ് രണ്ടാം റൗണ്ടിലേക്ക് മുന്നേറിയത്. ആദ്യ സെറ്റ് 6-2 നഷ്ടമായ ബെർട്ടൻസ് പതുക്കെ മത്സരത്തിൽ ആധിപത്യം നേടുന്നത് ആണ് പിന്നീട് കണ്ടത്. മത്സരത്തിൽ 5 തവണ ബ്രൈക്ക് വഴങ്ങിയെങ്കിലും 8 തവണ എതിരാളിയെ ബ്രൈക്ക് ചെയ്ത ബെർട്ടൻസ് രണ്ടാം സെറ്റ് 6-2 നു നേടി മത്സരത്തിൽ ഒപ്പമെത്തി. മൂന്നാം സെറ്റിൽ ഉജ്ജ്വല ഫോമിലേക്ക് ഉയർന്ന ബെർട്ടൻസ് ഒരു പോയിന്റ് പോലും എതിരാളിക്ക് നൽകാതെ 6-0 നു സെറ്റ് നേടിയാണ് രണ്ടാം റൗണ്ടിലേക്ക് മുന്നേറിയത്.

ഫ്രഞ്ച് താരം ഒഷേന ഡോഡിനെ നേരിട്ടുള്ള സെറ്റുകൾക്ക് തകർത്ത് ആണ് ഏഴാം സീഡ് ആയ ചെക് റിപ്പബ്ലിക് താരം പെട്ര ക്വിറ്റോവ രണ്ടാം റൗണ്ടിലേക്ക് മുന്നേറിയത്. 6-3 ആദ്യ സെറ്റ് നേടിയ ക്വിറ്റോവ രണ്ടാം സെറ്റിൽ നിർണായക ബ്രൈക്ക് നേടി 7-5 നു സെറ്റും മത്സരവും സ്വന്തം പേരിൽ കുറിച്ചു. ജർമ്മൻ താരം ആന്ദ്രയ പെറ്റ്കോവിച്ചിനെ നേരിട്ടുള്ള സെറ്റുകൾക്ക് തോൽപ്പിച്ചു സെറ്റാന പിരങ്കോവയും ഫ്രഞ്ച് ഓപ്പൺ രണ്ടാം റൗണ്ടിലേക്ക് മുന്നേറി. യു.എസ് ഓപ്പണിലെ സ്വപ്നകുതിപ്പ് ആവർത്തിക്കാൻ ആവും പിരങ്കോവയുടെ ശ്രമം.

Advertisement