Tag: Younis Khan

ദക്ഷിണാഫ്രിക്കയിൽ വെച്ച് പേസ് ബൗളര്‍ ഹസന്‍ അലിയുമായി വാഗ്വാദത്തിലേര്‍പ്പെട്ടതാണ് യൂനിസ് ഖാന്റെ രാജിയിൽ കലാശിച്ചതെന്ന വാദങ്ങളെ തള്ളി യൂനിസ് ഖാന്‍ തന്നെ രംഗത്ത്. ഹസന്‍ അലി തന്നോട് മാപ്പ് പറഞ്ഞുവെന്നും താന്‍ താരത്തോട് ക്ഷമിച്ചുവെന്നുമാണ് പാക്കിസ്ഥാന്‍ ബാറ്റിംഗ് കോച്ച് കൂടിയായിരുന്നു യൂനിസ് ഖാന്‍ വ്യക്തമാക്കിയത്.

2022 ടി20 ലോകകപ്പ് വരെയായിരുന്നു യൂനിസ് ഖാന്റെ കരാറെങ്കിലും ഏതാനും ദിവസങ്ങള്‍ക്ക് മുമ്പാണ് യൂനിസ് ഖാന്‍ തന്റെ രാജി നല്‍കിയത്. യൂനിസ് ഖാന്‍ താരത്തോട് ഐസ് ബാത്ത് നിര്‍ദ്ദേശിച്ചത് നിരസിച്ചതാണ് തര്‍ക്കത്തിന് കാരണമെന്നാണ് അറിയുന്നത്. യൂനിസ് ഖാനെ കഴിഞ്ഞ നവംബറിലാണ് പാക്കിസ്ഥാന്‍ ബാറ്റിംഗ് കോച്ചായി നിയമിച്ചത്.

പാക്കിസ്ഥാന്‍ ഒരു ബാറ്റിംഗ് കോച്ചില്ലാതെയാണ് ഇപ്പോള്‍ ഇംഗ്ലണ്ട് പര്യടനത്തിന് എത്തിയിരിക്കുന്നത്. യൂനിസ് ഖാന്റെ സേവനം നഷ്ടമായതിൽ വളരെ ദുഖമുണ്ടെന്നാണ് ചീഫ് എക്സിക്യൂട്ടീവ് വസീം ഖാന്‍ വ്യക്തമാക്കിയത്. യൂനിസ് ഖാന് പകരക്കാരനെ നിയമിക്കുക വിന്‍ഡീസ് ടൂറിന്റെ സമയത്താകുമെന്നാണ് അറിയുന്നത്.

പാക്കിസ്ഥാന്‍ ബാറ്റിംഗ് കോച്ച് യൂനിസ് ഖാന്‍ 2022 ലോക ടി20 വരെ ആ സ്ഥാനത്ത് തുടരുമെന്ന് അറിയിച്ച് പാക്കിസ്ഥാന്‍ ക്രിക്കറ്റ് ബോര്‍ഡ്. മുന്‍ അന്താരാഷ്ട്ര താരത്തിന്റെ നിയമനം ഇന്നാണ് പാക്കിസ്ഥാന്‍ ബോര്‍ഡ് നീട്ടിയത്. നേരത്തെ ഇംഗ്ലണ്ട് പര്യടനത്തില്‍ പാക് ടീമിനൊപ്പം യൂനിസ് ഖാന്‍ പ്രവര്‍ത്തിച്ചിരുന്നു.

അടുത്ത് നടക്കാനിരിക്കുന്ന ന്യൂസിലാണ്ട് പര്യടനത്തിനും ടീമിനൊപ്പം യാത്രയാകുവാന്‍ ഒരുങ്ങുകയാണ് യൂനിസ് ഖാന്‍. പാക്കിസ്ഥാന്‍ മുന്‍ ടെസ്റ്റ് താരം അര്‍ഷദ് ഖാനെ വനിത ടീമിന്റെ ബൗളിംഗ് കോച്ചായി ഒരു വര്‍ഷത്തേക്കും ബോര്‍ഡ് നിയമിച്ചിട്ടുണ്ട്.

പാക്കിസ്ഥാന്‍ ബാറ്റിംഗിന്റെ നെടുംതൂണെന്നും ഭാവിയില്‍ ലോക ക്രിക്കറ്റ് കീഴടക്കുവാന്‍ പോകുന്ന താരമെന്നും വിശേഷിപ്പിക്കപ്പെടുന്ന ഒരാളാണ് ബാബര്‍ അസം. ടെസ്റ്റില്‍ ഇപ്പോള്‍ തന്നെ രണ്ടായിരം റണ്‍സ് തികച്ച താരത്തിന്റെ നിലവാരം അടുത്ത തലത്തിലേക്ക് എത്തിക്കുവാന്‍ തന്നാല്‍ കഴിയുന്ന വിധത്തിലുള്ള സഹായം പ്രതീക്ഷിക്കാമെന്നാണ് പാക്കിസ്ഥാന്‍ ബാറ്റിംഗ് കോച്ച് യൂനിസ് ഖാന്‍ പറയുന്നത്.

ലോകത്തിന് മുഴുവന്‍ താരത്തിന്റെ കഴിവ് അറിയാം, വളരെ പ്രത്യേകത നിറഞ്ഞ താരമാണ് ബാബര്‍ അസം എന്നതില്‍ യാതൊരുവിധ തര്‍ക്കവും ആര്‍ക്കും കാണുകയില്ല. താരം വലിയ സ്കോറുകള്‍ നേടുന്നു എന്ന് ഉറപ്പാക്കുകയാണ് ഒരു ബാറ്റിംഗ് കോച്ചെന്ന നിലയില്‍ താന്‍ ശ്രമിക്കുന്നതെന്നും അതിനുള്ള ശ്രമങ്ങള്‍ ഞങ്ങളിരുവരും ചെയ്ത് വരുമെന്നും യൂനിസ് ഖാന്‍ വ്യക്തമാക്കി.

ബാബര്‍ ഒരു ഇതിഹാസ താരമായി മാറുമെന്നാണ് തന്റെ പ്രതീക്ഷയെന്നും മറ്റു താരങ്ങളുമായുള്ള അനാവശ്യ താരതമ്യങ്ങള്‍ ഒഴിവാക്കുകയാണ് താരത്തിനോട് ചെയ്യാനാകുന്ന ഏറ്റവും വലിയ നീതിയെന്നും താരത്തെ ഇത്തരത്തില്‍ സമ്മര്‍ദ്ദത്തിലാക്കുവാന്‍ ശ്രമിക്കരുതെന്നും യൂനിസ് ഖാന്‍ വ്യക്തമാക്കി.