സൂപ്പർ ലീഗ് കേരളയിൽ കണ്ണൂർ വാരിയേഴ്സും ഫോഴ്സ കൊച്ചിയും സമനിലയിൽ പിരിഞ്ഞു. ഇന്ന് കോഴിക്കോട് ഇ എം എസ് സ്റ്റേഡിയത്തിൽ നടന്ന മത്സരത്തിൽ ഫോഴ്സ കൊച്ചിയെ നേരിട്ട കണ്ണൂർ വാരിയേഴ്സ് 1-1 എന്ന സമനില ആണ് വഴങ്ങിയത്.
18ആം മിനുട്ടിൽ കണ്ണൂർ വാരിയേഴ്സ് ആണ് ഇന്ന് ആദ്യം ഗോൾ കണ്ടെത്തിയത്. ഗോൾ കീപ്പർ സുഭാഷിഷിന്റെ അബദ്ധമാണ് കണ്ണൂരിന് ഗുണമായത്. സുഭാഷിഷിന്റെ ഒരു ക്ലിയറൻസ് ഡേവിഡ് ഗ്രാൻഡെ ബ്ലോക്ക് ചെയ്ത് വലയിൽ ആക്കുക ആയിരുന്നു.
രണ്ടാം പകുതിയിൽ 76ആം മിനുട്ടിൽ ഒരു ഹെഡറിലൂടെ ഫോഴ്സ കൊച്ചി സമനില നേടി. ബസന്ത ആണ് ഫോഴ്സ കൊച്ചിക്ക് വേണ്ടി ഗോൾ നേടിയത്. മുഹമ്മദ് നിദാലിന്റെ ക്രോസിൽ നിന്നായിരുന്നു ഈ ഗോൾ. ഇരു ടീമുകളും വിജയ ഗോളിനായി ശ്രമിച്ചു എങ്കിലും കളി 1-1 എന്ന നിലയിൽ അവസാനിച്ചു. കണ്ണൂർ വാരിയേഴ്സിന് 2 മത്സരങ്ങളിൽ നിന്ന് 4 പോയിന്റായി. ഫോഴ്സ കൊച്ചിക്ക് ഇത് ആദ്യ പോയിന്റാണ്.
കോഴിക്കോട്, സെപ്റ്റംബർ 13, 2024: സൂപ്പർ ലീഗ് കേരളയുടെ രണ്ടാം റൌണ്ട് മത്സരങ്ങൾക്ക് ഇന്ന് കോഴിക്കോട് ഇ. എം എസ് കോര്പറേഷന് സ്റ്റേഡിയത്തിൽ തുടക്കമാകും. ഇന്ന് വാശിയേറിയ മത്സരത്തിൽ കണ്ണൂർ വാരിയേഴ്സ് എഫ് സി കൊച്ചി ഫോഴ്സ് എഫ് സി യെ നേരിടും. കണ്ണൂർ ക്ലബ്ബിന്റെ ആദ്യ ഹോം മത്സരം കൂടിയായ സൂപ്പർ പോരാട്ടം സെപ്റ്റംബർ 13 നു വൈകുന്നേരം 7.30 ക്ക് ആരംഭിക്കും.
ഫോഴ്സ കൊച്ചി ടീം
ആദ്യ വിജയത്തിന്റെ ആത്മവിശ്വാസത്തിലാണ് കണ്ണൂർ വാരിയേഴ്സ് ആദ്യ ഹോം മത്സരത്തിനായി തയ്യാറെടുക്കുന്നത്. നാളത്തെ മത്സരത്തിലും വിജയമുറപ്പിച് ലീഗ് പോയിന്റ് ടേബിളിൽ ഒന്നാമതെത്തുക എന്നായിരിക്കും കണ്ണൂരിന്റെ പ്രഥമ ലക്ഷ്യം.
മറുപുറത്ത് ഉദ്ഘാടന മത്സരത്തിൽ മലപ്പുറം എഫ് സി യോട് ഏറ്റ തോൽവിയോടെ നിലവിൽ പോയിന്റ് ടേബിളിൽ ഏറ്റവും അവസാനത്തെ സ്ഥാനക്കാരാണ് കൊച്ചി ഫോഴ്സ് എഫ് സി. പോർച്ചുഗീസ് കോച്ച് മാരിയോ ലിമോസിന്റെ നേതൃത്വത്തിൽ അണിനിരക്കുന്ന കൊച്ചി ക്ലബ് ലീഗിൽ തങ്ങളുടെ ആദ്യ ജയം തന്നെയായിരിക്കും നാളെ ഇ എം എസ് കോര്പറേഷന് സ്റ്റേഡിയത്തിൽ ലക്ഷ്യമിടുക.
“എനിക്ക് കൊച്ചിയുടെ ആദ്യ മത്സരം കാണാൻ ഭാഗ്യമുണ്ടായി, അവർ മലപ്പുറം എഫ് സി യോട് തോൽവി വഴങ്ങിയെങ്കിലും ലിമോസിന്റെ നേതൃത്വത്തിലുള്ള ടീം വളരെ മികച്ച മത്സരം തന്നെയാണ് കാഴ്ചവെച്ചത്. അതിനാൽ ഞങ്ങൾ അവരെ മികച്ച എതിരാളികളായാണ് തന്നെയാണ് കണക്കാക്കുന്നത്. കഴിഞ്ഞ മത്സരത്തിന് വിജയം നേടാനായെങ്കിലും, പുതിയ മത്സര ബുദ്ധിയോടെയാണ് ഞനാണ് നാളെ കളത്തിലിറങ്ങുന്നത്.” കണ്ണൂർ വോരിയേഴ്സ് പരിശീലകൻ മാനുവൽ സാഞ്ചസ് മുരിയസ് പറഞ്ഞു.
“നിർഭാഗ്യവശാൽ ഞങ്ങൾക്കു ആദ്യ മത്സരത്തിൽ വിജയം നേടാനായില്ല, ആ മത്സരത്തിൽ നിന്ന് ഞങ്ങൾ പാഠങ്ങൾ പേടിച്ചു, നാളെ ആദ്യ മത്സരത്തിൽ നിന്ന് വ്യെത്യസ്തമായ ടീമിനെ നിങ്ങള്ക്ക് കാണാൻ കാണാൻ സാധിക്കും. മാത്രമല്ല പുതിയ രണ്ട് വിദേശ താരങ്ങളുടെ സൈനിങ് ടീമിന് ഊർജമേകുമെങ്കിലും, അവര്ക് ടീമുമായി ഇഴകിച്ചേരാൻ സമയം നൽകണം. നാളെ ഞങ്ങൾ വിജയത്തിൽ കുകുറഞ്ഞതൊന്നും പ്രതീക്ഷിക്കുന്നില്ല” കൊച്ചി ഫോഴ്സ പരിശീലകൻ മാരിയോ ലെമോസ് പറഞ്ഞു.
കാണികൾക്കു ആവേശമാവാൻ കണ്ണൂർ വാരിയേഴ്സ് എഫ് സി യുടെ സെലിബ്രെറ്റി ഉടമയും കൂടിയായ നടൻ ആസിഫ് അലി ക്ലബ്ബിന്റെ ആദ്യ ഹോം മത്സരത്തിൽ ഇന്ന് പങ്കുചേരും.
സൂപ്പർ ലീഗ് കേരള മത്സരങ്ങളുടെ ടിക്കറ്റുകൾ പേ ടിഎം ഇൻസൈഡറിൽ ലഭ്യമാണ്. ഇന്ത്യയിലെ മുഴുവൻ ഫുട്ബാൾ ആരാധകർക്കുമായി സ്റ്റാർ സ്പോർട്സ് ഫസ്റ്റും, ഡിസ്നി പ്ലസ് ഹോട്സ്റ്ററും മത്സരം തത്സമയം സംപ്രേക്ഷണം ചെയ്യും. ഗൾഫ് മലയാളികൾക്കായി മനോരമ മാക്സ് മത്സരത്തിന്റെ തത്സമയ ആക്ഷനുകൾ ഫുട്ബോൾ പ്രേമികൾക്കായി എത്തിക്കും.
സൂപ്പർ ലീഗ് കേരളയിൽ ഇന്ന് ഇഎംഎസ് കോർപ്പറേഷൻ സ്റ്റേഡിയത്തിൽ നടക്കുന്ന ആവേശകരമായ മത്സരത്തിൽ കാലിക്കറ്റ് എഫ്സി ആതിഥേയരായ തിരുവനന്തപുരം കൊമ്പൻസ് എഫ്സിയെ നേരിടും.
സൂപ്പർ ലീഗ് കേരള സീസണിലെ മൂന്നാം മത്സരമാണിത്. കാലിക്കറ്റ് എഫ്സിയുടെ ഹോം ഗ്രൗണ്ടായി പ്രവർത്തിക്കുന്ന കോഴിക്കോട് ഇഎംഎസ് കോർപ്പറേഷൻ സ്റ്റേഡിയത്തിലാണ് ഈ മത്സരം.
നായകൻ ജിജോ ജോസഫ് നയിക്കുന്ന കാലിക്കറ്റ് എഫ്സിയിൽ ജൂനിയർ ആൻ്റണി കെവിൻ എംഫെഡെ, അബ്ദുൾ ഹക്കു തുടങ്ങിയ പ്രധാന താരങ്ങളും ഉണ്ട്. മറുവശത്ത്, തിരുവനന്തപുരം കൊമ്പൻസ് എഫ്സിയെ ക്യാപ്റ്റൻ പാട്രിക് മോട്ട നയിക്കും. മിഷേൽ അമേരിക്കോ ഡോസ് സാൻ്റോസ്, റെനാൻ ജനുവാരിയോ തുടങ്ങിയ വിദേശ പ്രതിഭകൾ കൊമ്പൻസിനായി തിളങ്ങുമെന്ന് പ്രതീക്ഷിക്കുന്നു.
മത്സരത്തിന് മുന്നോടിയായി, കാലിക്കറ്റ് എഫ്സി ഹെഡ് കോച്ച് ഇയാൻ ആൻഡ്രൂ ഗില്ലൻ തൻ്റെ ആവേശം പ്രകടിപ്പിച്ചു:
“സൂപ്പർ ലീഗ് സീസണിലെ ഞങ്ങളുടെ ആദ്യ മത്സരം കോഴിക്കോട്ട് വെച്ച് കളിക്കുന്നതിൽ ഞങ്ങൾ ആവേശത്തിലാണ്. നാളെ ഹോം ഗ്രൗണ്ടിൽ ഒരു വിജയത്തോടെ നമുക്ക് കിക്ക് ഓഫ് ചെയ്യാനാകുമെന്ന് ഞാൻ പ്രതീക്ഷിക്കുന്നു.”
തിരുവനന്തപുരം കൊമ്പൻസ് എഫ്സി മാനേജർ സെർജിയോ അലക്സാണ്ടറും ടീമിലുള്ള ആത്മവിശ്വാസം പങ്കുവെച്ചു.
“തിരുവനന്തപുരത്തും ഗോവയിലും ഞങ്ങൾ പ്രീ-സീസൺ പരിശീലനം വിജയകരമായി പൂർത്തിയാക്കി. എനിക്ക് എൻ്റെ കളിക്കാരിൽ വിശ്വാസമുണ്ട്, ഇപ്പോൾ മൈതാനത്ത് ഞങ്ങളുടെ കഴിവുകൾ പ്രകടിപ്പിക്കാനുള്ള സമയമാണിത്.”
മത്സരത്തിനുള്ള ടിക്കറ്റുകൾ പേടിഎം ഇൻസൈഡർ വഴി ലഭ്യമാണ്.
സൂപ്പർ ലീഗ് കേരളയിലെ രണ്ടാം മത്സരത്തിൽ തൃശ്ശൂർ മാജിക് എഫ് സിയെ കണ്ണൂർ വാരിയേഴ്സ് തോൽപ്പിച്ചു. മലപ്പുറം പയ്യനാട് സ്റ്റേഡിയത്തിൽ നടന്ന മത്സരത്തിൽ തുടക്കത്തിൽ ഒരു ഗോളിന് പിറകിൽ നിന്ന ശേഷം തിരിച്ചടിച്ച് 2-1ന്റെ വിജയം സ്വന്തമാക്കി. 95ആം മിനുട്ടിലെ ഗോളിൽ ആയിരിന്നു കണ്ണൂരിന്റെ വിജയം.
ഇന്ന് ആദ്യ പകുതിയിൽ തൃശ്ശൂർ മാജിക്കാണ് മികച്ചു നിന്നത്. ആദ്യ അവർ സി കെ വിനീതിന്റെ ഒരു ഹെഡറിലൂടെ ഗോളിന് അടുത്ത് എത്തി. ക്യാപ്റ്റൻ കൂടിയായ വിനീതിന്റെ ഹെഡർ പോസ്റ്റിൽ തട്ടി മടങ്ങുകയായിരുന്നു. മത്സരത്തിന്റെ 36ആം മിനുട്ടിൽ തൃശ്ശൂർ ആദ്യ ഗോൾ കണ്ടെത്തി. സി കെ വിനീത് നൽകിയ പാസ് സ്വീകരിച്ച് അഭിജിത്ത് ആണ് ഗോൾ നേടിയത്.
രണ്ടാം പകുതിയിൽ കണ്ണൂർ ശക്തമായി തിരികെ വന്നു. അവർ 76ആം മിനുട്ടിൽ ഡേവിഡ് ഗ്രാൻഡെയിലൂടെ സമനില ഗോൾ നേടി. ഒരു സെറ്റ് പീസിൽ നിന്ന് ലഭിച്ച അവസരം മുതലാക്കി ആയിരുന്നു ഈ ഗോൾ.
88ആം മിനുട്ടിൽ തൃശ്ശൂരിന്റെ ഹെൻറി ആന്റ്ണി രണ്ടാം മഞ്ഞ കാർഡ് വാങ്ങി ചുവപ്പുമായി കളത്തിന് പുറത്തേക്ക് പോയി. ഇതിനു ശേഷം കണ്ണൂർ കൂടുതൽ സമ്മർദ്ദം ഉയർത്തി. അവസാനം 95ആം മിനുട്ടിൽ ആല്വാരോ ആല്വാരസിന്റെ ഒരു ഹെഡറിലൂടെ കണ്ണൂർ വാരിയേഴ്സ് വിജയം ഉറപ്പിച്ചു.
സൂപ്പർ ലീഗ് കേരള (SLK) സീസണിൽ കാലിക്കറ്റ് എഫ് സിയുടെ ബ്രാൻഡ് അംബാസഡറായി പ്രശസ്ത മലയാള ചലച്ചിത്ര സംവിധായകനും നടനുമായ ബേസിൽ ജോസഫിനെ നിയമിച്ചതായി കാലിക്കറ്റ് എഫ്സി ഔദ്യോഗികമായി പ്രഖ്യാപിച്ചു. കാലിക്കറ്റ് എഫ്സിയുമായുള്ള ബേസിൽ ജോസഫിൻ്റെ കൂട്ടുകെട്ട് സീസണിലെ ആദ്യ മത്സരം കളിക്കാൻ ഒരുങ്ങുന്ന കാലിക്കറ്റ് എഫ് സിക്ക് പുതു ഊർജ്ജം നൽകും.
ബേസിൽ ജോസഫ്
മലയാള സിനിമാ താരങ്ങൾ ഫുട്ബോൾ ലീഗിൽ തരംഗം സൃഷ്ടിക്കുന്ന പ്രവണതയുടെ തുടർച്ചയാണ് ഈ പുതിയ സഹകരണം. നടൻ പൃഥ്വിരാജ് സുകുമാരൻ ഫോഴ്സ കൊച്ചിയുടെ ഉടമയും, ആസിഫ് അലി കണ്ണൂർ വാരിയേഴ്സിൻ്റെ ഉടമയുമാണ്. കൂടാതെ, നിവിൻ പോളി തൃശൂർ മാജിക് എഫ്സിയുടെ ഉടമയും അംബാസഡറുമാണ്. ഈ ബിഗ്-പ്രൊഫൈൽ കണക്ഷനുകൾ, SLKയെ കൂടുതൽ മലയാളികളിലേക്ക് എത്തിക്കാൻ സഹായിക്കുന്നുണ്ട്.
ഫുട്ബോൾ പ്രേമികൾ ഏറെ ആവേശത്തോടെ കാത്തിരുന്ന മാജിക് തൃശൂർ എഫ്സിയും കണ്ണൂർ എഫ് സി തമ്മിലുള്ള സൂപ്പർ പോരാട്ടം ഇന്ന് (സെപ്റ്റംബർ 9) വൈകുന്നേരം 7.30ന് മലപ്പുറം പയ്യനാട് സ്റ്റേഡിയത്തിൽ അരങ്ങേറും.
ഇരുടീമങ്ങളും തങ്ങളുടെ ആദ്യ സൂപ്പർ ലീഗ് മത്സരത്തിലെ വിജയത്തിനായി മികച്ച താരനിരയെ തന്നെ ഇന്ന് അണിനിരത്തും. മലയാളികളുടെ സ്വന്തം സി കെ വിനീതിനോടൊപ്പം, വിദേശ താരങ്ങളായ മെയിൽസൺ ആൽവെസ്, മാർസെല്ലോ ടോസ്കലോ എന്നിവരും മാജിക് തൃശൂർ എഫ്സിക്കായി തങ്ങളുടെ ആദ്യ ഹോം മത്സരത്തിൽ അണിനിരക്കും. മറുപുറത്ത് തങ്ങളുടെ സീസണിലെ ആദ്യ വിജയം ഉറപ്പിക്കാൻ സ്വദേശ താരങ്ങളോടൊപ്പം, വിദേശ താരങ്ങളായ അസിയർ ഗോമസ്, ആൽവരോ ആൽവാരസ്, എന്നിവർ ഉൾപ്പെടെയുള്ളവർ ആദിൽ ഖാന്റെ നേതൃത്വത്തിൽ പോരാട്ടത്തിന് ഇറങ്ങും.
“ഞങ്ങളുടെ താരങ്ങളുടെ പ്രകടനത്തിനായി ഞാൻ കാത്തിരിക്കുകയാണ്, ഞങ്ങളുടെ ആദ്യ ഹോം മത്സരത്തിൽ, ആരാധകരുടെ മനസ്സിൽ എന്നും ഓർമ്മിക്കപ്പെടുന്ന വിജയം നൽകുവാനാണ് ഞങ്ങൾ ശ്രമിക്കുന്നത്.” മാജിക് തൃശൂർ എഫ് സി മുഖ്യ പരിശീലകൻ ജിയോവാനി സ്കാനു പറഞ്ഞു.
ഞങ്ങൾ ആദ്യം മത്സരത്തിന് പൂർണ്ണ സജ്ജരാണ്, ഞങ്ങളുടെ ആരാധകർക്കായി മികച്ച പ്രകടനം കാഴ്ചവയ്ക്കുക എന്നുതന്നെയാണ് ഞങ്ങളുടെ ലക്ഷ്യം. കഴിഞ്ഞ ഒന്നര മാസത്തോളം ഞങ്ങൾ കഠിന പരിശീലനത്തിലായിരുന്നു, അതിന്റെ ഫലം നാളെ ഗ്രൗണ്ടിൽ കാണുമെന്ന് ഞാൻ വിശ്വസിക്കുന്നു. കണ്ണൂർ വാരിയേഴ്സിന്റെ സ്പാനിഷ് പരിശീലകൻ മാനുവൽ സാഞ്ചസ് മുറിയസ് പറഞ്ഞു.
മത്സരത്തിനായുള്ള ടിക്കറ്റുകൾ പേടിഎം ഇൻസൈഡറിൽ ലഭ്യമാണ്.
സൂപ്പർ ലീഗ് കേരള പ്രഥമ സീസണിലെ ആദ്യ വിജയം മലപ്പുറം എഫ് സിക്ക് സ്വന്തമാക്കി. ഇന്ന് കലൂർ സ്റ്റേഡിയത്തിൽ ഫോഴ്സ കൊച്ചിയെ നേരിട്ട മലപ്പുറം എഫ് സി എതിരില്ലാത്തരണ്ടു ഗോളിനാണ് വിജയിച്ചത്. ആദ്യ പകുതിയിൽ തന്നെ മലപ്പുറം രണ്ട് ഗോളുകൾക്ക് മുന്നിൽ എത്തിയിരുന്നു.
ആദ്യ ഗോൾ ആഘോഷിക്കുന്ന പെഡ്രോ മാൻസി
കളി ആരംഭിച്ച് നടത്തിയ ആദ്യ ആക്രമണം തന്നെ ഗോളായി മാറി. വലതു വിംഗിൽ നിന്ന് നന്ദു കൃഷ്ണ നൽകിയ ക്രോസ് മാൻസി ഹെഡ് ചെയ്ത് വലയിൽ എത്തിച്ചു. ഫോഴ്സ ഗോൾ കീപ്പർ സുഭാഷിശിന് പന്ത് വലയിൽ പതിക്കുന്നത് നോക്കി നിൽക്കാനെ ആയുള്ളൂ.
ഇതിനു ശേഷം ഫോഴ്സ കൊച്ചി അറ്റാക്കുകൾ നടത്തി എങ്കിലും കൃത്യമായ എൻഡ് പ്രൊഡക്ട് അവരിൽ നിന്ന് ഉണ്ടായില്ല. അർജുൻ ജയരാജിന്റെ ഒരു ഷോട്ട് മിഥുൻ അനായാസം സേവ് ചെയ്തു. നിജോ ഗിൽബേർട്ടിന്റെ രണ്ട് ലോംഗ് റേഞ്ച് ശ്രമങ്ങൾ ടാർഗറ്റിൽ എത്തിയതുമില്ല.
39ആം മിനുട്ടിൽ ഫസലു റഹ്മാനിലൂടെ മലപ്പുറം എഫ് സി ലീഡ് ഇരട്ടിയാക്കി. ബേറ്റിയ ബോക്സിലേക്ക് നൽകിയ ഒരു ക്രോസ് മാൻസി ഗോൾ വലക്ക് സമാന്താരമായി ഹെഡ് ചെയ്തു. ഒരു ഡൈവിംഗ് ഫിനിഷിലൂടെ ഫസലുറഹ്മാൻ പന്ത് വലയിൽ എത്തിച്ചു. സ്കോർ 2-0. ആദ്യ പകുതിയുടെ അവസാനം ഒമ്രാനു മുന്നിൽ ഒരു സുവർണ്ണാവസരം ലഭിച്ചെങ്കിലും ഫോഴ്സ കൊച്ചി ഡിഫൻഡർക്ക് പന്ത് ടാർഗറ്റിൽ എത്തിക്കാൻ ആയില്ല.
രണ്ടാം പകുതിയിലും ഫോഴ്സ കൊച്ചിക്ക് മലപ്പുറം എഫ് സിയുടെ മികവിലേക്ക് എത്താൻ ആയില്ല. വലിയ സമ്മർദ്ദം ഇല്ലാതെ തന്നെ വിജയം ഉറപ്പിക്കാൻ മലപ്പുറം എഫ് സിക്ക് ആയി.
സൂപ്പർ ലീഗ് കേരള പ്രഥമ സീസണിലെ ആദ്യ മത്സരം ആദ്യ പകുതിക്ക് പിരിയുമ്പോൾ മലപ്പുറം എഫ് സി ഫോഴ്സ കൊച്ചിക്ക് എതിരെ രണ്ടു ഗോളിന് മുന്നിൽ നിൽക്കുന്നു. മത്സരത്തിന്റെ നാലാം മിനുട്ടിൽ പിറന്ന ഗോളാണ് മലപ്പുറം എഫ് സിക്ക് ലീഡ് നൽകിയത്.
ആദ്യ ഗോൾ ആഘോഷിക്കുന്ന പെഡ്രോ മാൻസി
കളി ആരംഭിച്ച് നടത്തിയ ആദ്യ ആക്രമണം തന്നെ ഗോളായി മാറി. വലതു വിംഗിൽ നിന്ന് നന്ദു കൃഷ്ണ നൽകിയ ക്രോസ് മാൻസി ഹെഡ് ചെയ്ത് വലയിൽ എത്തിച്ചു. ഫോഴ്സ ഗോൾ കീപ്പർ സുഭാഷിശിന് പന്ത് വലയിൽ പതിക്കുന്നത് നോക്കി നിൽക്കാനെ ആയുള്ളൂ.
ഇതിനു ശേഷം ഫോഴ്സ കൊച്ചി അറ്റാക്കുകൾ നടത്തി എങ്കിലും കൃത്യമായ എൻഡ് പ്രൊഡക്ട് അവരിൽ നിന്ന് ഉണ്ടായില്ല. അർജുൻ ജയരാജിന്റെ ഒരു ഷോട്ട് മിഥുൻ അനായാസം സേവ് ചെയ്തു. നിജോ ഗിൽബേർട്ടിന്റെ രണ്ട് ലോംഗ് റേഞ്ച് ശ്രമങ്ങൾ ടാർഗറ്റിൽ എത്തിയതുമില്ല.
39ആം മിനുട്ടിൽ ഫസലു റഹ്മാനിലൂടെ മലപ്പുറം എഫ് സി ലീഡ് ഇരട്ടിയാക്കി. ബേറ്റിയ ബോക്സിലേക്ക് നൽകിയ ഒരു ക്രോസ് മാൻസി ഗോൾ വലക്ക് സമാന്താരമായി ഹെഡ് ചെയ്തു. ഒരു ഡൈവിംഗ് ഫിനിഷിലൂടെ ഫസലുറഹ്മാൻ പന്ത് വലയിൽ എത്തിച്ചു. സ്കോർ 2-0. ആദ്യ പകുതിയുടെ അവസാനം ഒമ്രാനു മുന്നിൽ ഒരു സുവർണ്ണാവസരം ലഭിച്ചെങ്കിലും ഫോഴ്സ കൊച്ചി ഡിഫൻഡർക്ക് പന്ത് ടാർഗറ്റിൽ എത്തിക്കാൻ ആയില്ല.
ഏറെ പ്രതീക്ഷയോടെ കാത്തിരിക്കുന്ന സൂപ്പർ ലീഗ് കേരള ഉദ്ഘാടന മത്സരം ഇന്ന് 2024 സെപ്റ്റംബർ 7 ന് കൊച്ചി ജവഹർലാൽ നെഹ്റു ഇൻ്റർനാഷണൽ സ്റ്റേഡിയത്തിൽ നടക്കുകയാണ്. മലപ്പുറം എഫ്സിയും ഫോഴ്സ കൊച്ചിയും തമ്മിലാണ് മത്സരം.
മലപ്പുറം എഫ് സി കോച്ച് ജോൺ ഗ്രിഗറി കലൂരിൽ
### ഫോഴ്സ കൊച്ചി ലൈനപ്പ്: ഗോൾകീപ്പർ സുഭാശിഷ് റോയ് ചൗധരി (സി) നയിക്കുന്ന ഫോഴ്സ കൊച്ചി, ടുണീഷ്യൻ ഡിഫൻഡർ ഡിസിരി ഒമ്രാൻ, ബ്രസീലിൽ നിന്നുള്ള മിഡ്ഫീൽഡ് മാസ്ട്രോ റാഫേൽ അഗസ്റ്റോ സാൻ്റോസ് ഡാസിൽവ എന്നിവരടങ്ങുന്ന മികച്ച മധ്യനിരയെയും ഡിഫൻസീവ് ലൈനപ്പിനെയും ആശ്രയിക്കും. ഫോർവേഡ് സാൽ അനസ് ആക്രമണത്തിന് നേതൃത്വം നൽകും, അതേസമയം പ്രാദേശിക പ്രതിഭകളായ മുഹമ്മദ് നൗഫൽ കെ, നിജോ ഗിൽബെർട്ട് എന്നിവരും ടീമിൽ ഉണ്ട്.
### മലപ്പുറം എഫ് സി ലൈനപ്പ്: വെറ്ററൻ ഡിഫൻഡർ അനസ് എടത്തൊടിക ക്യാപ്റ്റനായ മലപ്പുറം എഫ് സിയുടെ സ്ക്വാഡ്, പ്രാദേശികവും അന്തർദേശീയവുമായ കളിക്കാരുടെ ഇടകലർന്ന് ശക്തമാണ്. സ്പാനിഷ് , മിഡ്ഫീൽഡർ ജോസെബ ബെയ്റ്റിയ, ഫോർവേഡ് പെഡ്രോ ഹാവിയർ എം എന്നിവർ ആക്രമണത്തിൽ നിർണായക പങ്ക് വഹിക്കുമെന്ന് പ്രതീക്ഷിക്കുന്നു. റൂബൻ ഗാർസെസ് സോബ്രേവിയ (സ്പെയിൻ), ഗുർജീന്ദർ കുമാർ എന്നിവരുടെ ശക്തമായ പ്രതിരോധത്തിന് പിറകിൽ മിധുൻ വി ഗോൾകീപ്പറായി വല കാക്കും.
മലപ്പുറം എഫ് സി: ജോസെബ ബെയ്റ്റിയ (സ്പെയിൻ), പെഡ്രോ ഹാവിയർ എം (സ്പെയിൻ)
ജവഹർലാൽ നെഹ്റു സ്റ്റേഡിയത്തിൽ രാത്രി 8:00 PM-നാണ് കിക്ക്-ഓഫ് ഷെഡ്യൂൾ ചെയ്തിരിക്കുന്നത്.
ലൈനപ്പ്:
Forca Kochi FC Lineup: Goalkeeper: Subhasish Roy Chowdhury (C) Defenders: Muhammed Noufal K, Dziri Omran (Tunisia), Ameen, Nithin Madhu (U-23) Midfielders: Said Mohamed Nidhal (Tunisia), Nijo Gilbert, Asif Kottayil, Arjun Jayaraj, Raphael Augusto Santos Da Silva (Brazil) Forward: Sal Anas (U-23)
Substitutes: – Ajay Alex (DF), Arunlal M (MF), Jaganath (DF, U-23), Sreenath M (MF), Anurag PV (MF), Hajmal S (GK), Lijo K (FW), Remith PK (DF, U-23), Jesil Muhammed (DF, U-23)
—
Malappuram FC Lineup: -Goalkeeper: Midhun V Defenders: Nandu Krishna P (U-23), Gurjinder Kumar, Ruben Garces Sobrevia (Spain), Anas Edathodika (C) Midfielders: Joseba Beitia (Spain), Ajay Krishnan (U-23), Aitor Aldalur Aguirrezabala (Spain) -Forwards Riswanali Edakkavil, Pedro Javier M (Spain), Faslurahman Methukayil
Substitutes: – Saurav Gopalkrishnan (DF), Muhammed Jasim (MF, U-23), Alejandro Sanchez Lopez (FW, Spain), Sergio Barboza Junior (MF, Brazil), Miit Adekar (MF), Bujair Valiyattu (FW), Muhammed Nisham A (MF), Muhammed Sinan Mirdas Abbas (GK, U-23), George D Souza (DF)
ഏറെ പ്രതീക്ഷയോടെ കാത്തിരിക്കുന്ന മഹീന്ദ്ര സൂപ്പർ ലീഗ് കേരള (SLK) യുടെ ആദ്യ സീസൺ ഇന്ന്, സെപ്റ്റംബർ 7, 2024 ന് കൊച്ചിയിലെ ജവഹർലാൽ നെഹ്റു സ്റ്റേഡിയത്തിൽ ഫോഴ്സ കൊച്ചി, മലപ്പുറം എഫ്സി എന്നിവർ തമ്മിലുള്ള ഉദ്ഘാടന മത്സരത്തോടെ ആരംഭിക്കുന്നു. 7 PM ന് ആരംഭിക്കുന്ന മത്സരം Hotstar OTT, Star Sports First എന്നിവയിൽ തത്സമയം സംപ്രേക്ഷണം ചെയ്യും.
കേരള ഫുട്ബോൾ അസോസിയേഷൻ അവതരിപ്പിക്കുന്ന സൂപ്പർ ലീഗ് കേരള പ്രഥമ സീസണിൽ ആറ് ഫ്രാഞ്ചൈസി ടീമുകൾ ആണ് പങ്കെടുക്കുന്നത്. ഫോഴ്സ കൊച്ചി എഫ്സി, മലപ്പുറം എഫ്സി, കാലിക്കറ്റ് എഫ്സി, കണ്ണൂർ വാരിയേഴ്സ് എഫ്സി, തിരുവനന്തപുരം കൊമ്പൻസ് എഫ്സി, ഒപ്പം തൃശൂർ മാജിക് എഫ്സി എന്നിവരാണ് ഇത്തവണ കളിക്കുന്നത്.
ഉദ്ഘാടനത്തിനോട് അനുബന്ധിച്ച് വലിയ പരിപാടികൾ ഇന്ന് കലൂർ സ്റ്റേഡിയത്തിൽ നടക്കും. കലാ കായിക രംഗത്തെ പ്രമുഖർ ഇന്ന് കലൂരിൽ അണിനിരക്കും.
മുൻ ഇന്ത്യൻ സെന്റർ ബാക്ക് താരം അനസ് എടത്തൊടിക മലപ്പുറം എഫ് സിയുടെ ക്യാപ്റ്റൻ ആകും. സൂപ്പർ ലീഗ് കേരള ക്ലബായ മലപ്പുറം എഫ് സി ഇന്ന് അനസ് എടത്തൊടികയെ ക്യാപ്റ്റൻ ആയി ഔദ്യോഗികമായി പ്രഖ്യാപിച്ചു. നാളെ ലീഗ് ആരംഭിക്കാൻ ഇരിക്കെയാണ് പ്രഖ്യാപനം. ഇന്ന് മലപ്പുറം എഫ് സി സ്ക്വാഡും പ്രഖ്യാപിച്ചു.
അനസിന്റെ അനുഭവസമ്പത്ത് ടീമിനും യുവതാരങ്ങൾക്ക് പ്രയോജനപ്പെടുമെന്നാണ് മലപ്പുറത്തിന്റെ പ്രതീക്ഷ. മുമ്പ് കേരള ബ്ലാസ്റ്റേഴ്സ് ഉൾപ്പെടെ ഇന്ത്യയിലെ പ്രമുഖ ടീമുകൾക്ക് എല്ലാം കളിച്ച താരമാണ് അനസ്. ഒരു കാലത്ത് ഇന്ത്യൻ ദേശീയ ടീമിന്റെ പ്രധാന സെന്റർ ബാക്കും ആയിരുന്നു.
ഇന്ത്യൻ ക്രിക്കറ്റ് താരം സഞ്ജു സാംസൺ സൂപ്പർ ലീഗ് കേരളയിലെ ക്ലബ്ബായ മലപ്പുറം എഫ്സിയിൽ ഓഹരികൾ സ്വന്തമാക്കി തൻ്റെ കായിക പോർട്ട്ഫോളിയോ വിപുലീകരിക്കുന്നു. മലപ്പുറം എഫ്സി ഉദ്ഘാടന സീസണിന് തയ്യാറെടുക്കുമ്പോൾ, അവരുടെ ഉടമസ്ഥതയിലേക്കുള്ള സഞ്ജു സാംസന്റെ വരവ് ക്ലബ്ബിന് കൂടുതൽ ഊർജ്ജം നൽകു. ഇതു സംബന്ധിച്ച ഔദ്യോഗിക പ്രഖ്യാപനം ഉടൻ വരും.
സെപ്തംബർ 7ന് മലപ്പുറം എഫ്സി, ഫോഴ്സാ കൊച്ചിയുമായി സൂപ്പർ ലീഗ് കേരളയുടെ ഉദ്ഘാടന മത്സരത്തിൽ ഏറ്റുമുട്ടാൻ ഇരിക്കുകയാണ്. സൂപ്പർ ലീഗ് കേരളയ്ക്ക് ഇപ്പോൾ തന്നെ നിരവധി സെലിബ്രിറ്റി ഉടമകളുണ്ട്. നടൻ പൃഥ്വിരാജ് ഫോഴ്സാ കൊച്ചിയുടെ ഉടമയാണ്, നടൻ ആസിഫ് അലി കണ്ണൂർ വാരിയേഴ്സിൻ്റെ സഹ ഉടമയാണ്. സഞ്ജു സാംസൺ ഫുട്ബോൾ രംഗത്തേക്ക് ചേക്കേറിയതോടെ, കളിക്കളത്തിലും പുറത്തും ലീഗ് ശ്രദ്ധയാകർഷിച്ചുകൊണ്ടിരിക്കുകയാണ്.
