Tag: Sheffield United

പ്രീമിയർ ലീഗിൽ ഹാട്രിക്ക് തോൽവിക്ക് ശേഷം സീസണിലെ ആദ്യ പോയിന്റ് കരസ്ഥമാക്കി ഷെഫീൽഡ് യുനൈറ്റഡും എവർടണും. ഇന്ന് ഷെഫീൽഡിന്റെ തട്ടകത്തിൽ നടന്ന മത്സരത്തിൽ ഇരു ടീമുകളും രണ്ടു ഗോൾ വീതമടിച്ചു പിരിയുകയായിരുന്നു. ഡോകൊറെയും ഡാഞ്ചുമയും എവർടണ് വേണ്ടി വല കുലുക്കിയപ്പോൾ കാമറോൺ ആർച്ചർ ഷെഫീൽഡിന്റെ ഗോൾ കണ്ടെത്തി. മറ്റൊരു ഗോൾ പിക്ഫോർഡിന്റെ പേരിൽ സെൽഫ് ഗോൾ ആയി കുറിച്ചു. പോയിൻറ് പട്ടികയിൽ ലൂട്ടൺ ടൗൺ മാത്രമാണ് ഇരു ടീമുകൾക്കും താഴെ ഉള്ളത്.

ഷെഫീൽഡ് മികച്ച രീതിയിൽ തന്നെ സ്വന്തം തട്ടകത്തിൽ മത്സരം ആരംഭിച്ചെങ്കിലും ആദ്യം ഗോൾ വഴങ്ങാൻ ആയിരുന്നു വിധി. പതിനാലാം മിനിറ്റിൽ ഡോകൊറെയിലൂടെ എവർടൺ ലീഡ് എടുത്തു. കോർണറിൽ നിന്നെത്തിയ പന്ത് താരത്തിന്റെ കാലുകളിൽ എത്തിയപ്പോൾ പോസ്റ്റിന് തൊട്ടു മുൻപിൽ വെച്ചു വല കുലുക്കുകയായിരുന്നു. ഇരു ടീമുകളും പ്രതിരോധത്തിൽ പിഴവുകൾ ആവർത്തിച്ചതോടെ നിരവധി അവസരങ്ങൾ പിറന്നു. ഹാമർ തൊടുത്ത ഷോട്ട് പിക്ഫോഡ് സേവ് ചെയ്തു. 32ആം മിനിറ്റിൽ ഷെഫീൽഡ് സമനില ഗോൾ കണ്ടെത്തി. മക്ബേർണിയുടെ പാസിൽ നിന്നും തകർപ്പൻ ഫിനിഷിങ്ങുമായി ആർച്ചർ ആണ് സമനില ഗോൾ കണ്ടെത്തിയത്. ഇഞ്ചുറി ടൈമിൽ ഷെഫീൽഡ് ലീഡും കരസ്ഥമാക്കി. ആർച്ചറിന്റെ ഷോട്ട് പോസ്റ്റിൽ ഇടിച്ച ശേഷം പിക്ഫോർഡിൽ തട്ടി വലയിലേക്ക് തന്നെ കയറി.

രണ്ടാം പകുതിയിൽ ഡാഞ്ചുമയെ വീഴ്ത്തിയതിന് എവർടൺ പെനാൽറ്റിക്ക് വേണ്ടി വാദിച്ചെങ്കിലും റഫറി ഫ്രീകിക്ക് അനുവദിച്ചു. പിന്നീട് ബെറ്റോയുടെ ഷോട്ട് അകന്ന് പോയി. 54ആം മിനിറ്റിൽ എവർടണ് ആശ്വാസമായി സമനില ഗോൾ എത്തി. ഗാർനറും ബെറ്റോയും നടത്തിയ നീക്കത്തിനോടുവിൽ പാറ്റെർസൻ തൊടുത്ത ക്രോസിൽ നിന്നും ഡാഞ്ചുമ അനായാസം ലക്ഷ്യം കാണുകയായിരുന്നു. ലരോസിക്ക് ലഭിച്ച മികച്ചൊരു അവസരത്തിൽ ലക്ഷ്യം കാണാൻ ആയില്ല. ഇഞ്ചുറി ടൈമിൽ പിക്ഫോഡിന്റെ കരങ്ങൾ എവർടന്റെ രക്ഷക്കെത്തി. മാക്ബെർണിയുടെ ഹെഡർ തട്ടിയകട്ടിയ താരം, പിറകെ വന്ന ബോളും കൈക്കലാക്കി ടീമിനെ അവസാന നിമിഷം ലീഡ് വഴങ്ങുന്നതിൽ നിന്നും രക്ഷിച്ചു.

ഇംഗ്ലീഷ് പ്രീമിയർ ലീഗ് പുതിയ സീസണിലെ ആദ്യ മത്സരത്തിൽ എവർട്ടണിനെ അവരുടെ മൈതാനത്ത് തോൽപ്പിച്ചു ഫുൾഹാം തുടങ്ങി. മത്സരത്തിൽ എവർട്ടൺ ആണ് ആധിപത്യം കാണിച്ചത്. എവർട്ടൺ 19 ഷോട്ടുകൾ അടിച്ച മത്സരത്തിൽ 9 ഷോട്ടുകൾ ആണ് ഫുൾഹാം അടിച്ചത്‌. എവർട്ടൺ 9 ഷോട്ടുകൾ ലക്ഷ്യത്തിലേക്ക് അടിച്ചപ്പോൾ ഫുൾഹാം വെറും 2 എണ്ണം ആണ് അടിച്ചത്. എന്നാൽ ഫുൾഹാം ഗോൾ കീപ്പർ ലെനോ ആതിഥേയർക്ക് മുന്നിൽ വില്ലനായി. മത്സരത്തിൽ 73 മത്തെ മിനിറ്റിൽ പകരക്കാരനായി ഇറങ്ങിയ ഡകോർഡോവ റീഡ് ആണ് ഫുൾഹാമിന്റെ വിജയഗോൾ നേടിയത്.

രണ്ടാം പകുതിയിൽ ട്രാൻസ്ഫർ വിഷയത്തിൽ ടീമും ആയി തെറ്റിയ അലക്‌സാണ്ടർ മിട്രോവിച് ഇറങ്ങിയത് ഫുൾഹാമിനു ആശ്വാസമായി. മറ്റൊരു മത്സരത്തിൽ പ്രീമിയർ ലീഗിൽ തിരിച്ചെത്തിയ ഷെഫീൽഡ് യുണൈറ്റഡിനെ അവരുടെ മൈതാനത്ത് എതിരില്ലാത്ത ഒരു ഗോളിന് തോൽപ്പിച്ചു റോയ് ഹഡ്സണിന്റെ ക്രിസ്റ്റൽ പാലസും സീസൺ നന്നായി തുടങ്ങി. മത്സരത്തിൽ 24 ഷോട്ടുകൾ ഉതിർത്ത പാലസ് ആധിപത്യം ആണ് കാണാൻ ആയത്. 49 മത്തെ മിനിറ്റിൽ ജോർദാൻ ആയുവിന്റെ പാസിൽ നിന്നു എഡോർഡ് ആണ് അവരുടെ വിജയഗോൾ നേടിയത്. മത്സരത്തിൽ താരം ഒരു ഗോൾ കൂടി അടിച്ചെങ്കിലും അത് ഓഫ് സൈഡ് ആയി. അതേസമയം പ്രീമിയർ ലീഗ് തിരിച്ചു വരവിൽ പാലസിനെ നന്നായി പരീക്ഷിക്കാൻ പോലും ഷെഫീൽഡ് യുണൈറ്റഡിന് ആയില്ല.

ചാമ്പ്യൻഷിപ്പിൽ നിന്ന് ഈ സീസണിൽ പ്രൊമോഷൻ ഉറപ്പിക്കുന്ന രണ്ടാം ക്ലബായി ഷെഫീൽഡ് യുണൈറ്റഡ് മാറി. ഇന്ന് അവർ വെസ്റ്റ് ബ്രോമിനെ എതിരില്ലാത്ത രണ്ടു ഗോളുകൾക്ക് തോൽപ്പിച്ചതോടെയാണ് ഷെഫീൽഡ് യുണൈറ്റഡ് പ്രൊമോഷൻ ഉറപ്പിച്ചത്‌. ഇന്നത്തെ വിജയത്തോടെ ഷെഫീൽഡ് ചാമ്പ്യൻഷിപ്പിൽ രണ്ടാം സ്ഥാനത്ത് ഫിനിഷ് ചെയ്യും എന്ന് ഉറപ്പായി. 43 മത്സരങ്ങളിൽ നിന്ന് ഷെൽഫീൽഡിന് 85 പോയിന്റ് ഇപ്പോൾ ഉണ്ട്. മൂന്ന് മത്സരങ്ങൾ ശേഷിക്കെ ആണ് അവർക്ക് ലീഗ് യോഗ്യത ഉറപ്പിക്കൻ ആയത്.

2021ൽ ആയിരുന്നു അവസാനം ഷെഫീൽഡ് യുണൈറ്റഡ് പ്രീമിയർ ലീഗിൽ നിന്ന് റിലഗേറ്റ് ആയത്. ചാമ്പ്യൻഷിപ്പ് കിരീടം ഉറപ്പിച്ച ബേർൺലിയും നേരത്തെ പ്രൊമോഷൻ ഉറപ്പിച്ചിരുന്നു. ഇനി പ്ലേ ഓഫിലൂടെ ഒരു ക്ലബ് കൂടെ പ്രീമിയർ ലീഗിലേക്ക് എത്തും.

പ്രീമിയർ ലീഗിൽ പുതിയ പരിശീലകൻ തോമസ് ടുഹലിന് കീഴിൽ മികച്ച പ്രകടനം പുറത്തെടുക്കുന്ന ചെൽസിക്ക് വീണ്ടും ജയം. ഇത്തവണ ഷെഫീൽഡ് യുണൈറ്റഡിനെയാണ് ചെൽസി പരാജയപ്പെടുത്തിയത്. ഒന്നിനെതിരെ രണ്ട് ഗോളുകൾക്കായിരുന്നു ചെൽസിയുടെ ജയം. പുതിയ പരിശീലകന് കീഴിൽ നാല് മത്സരങ്ങൾ കളിച്ച ചെൽസി മൂന്ന് മത്സരങ്ങളിൽ ജയിക്കുകയും ഒരു മത്സരത്തിൽ സമനിലയുമായിരുന്നു. ജയത്തോടെ പ്രീമിയർ ലീഗ് പോയിന്റ് പട്ടികയിൽ അഞ്ചാം സ്ഥാനത്ത് എത്താനും ചെൽസിക്കായി.

ആദ്യ പകുതിയുടെ അവസാന മിനുറ്റിൽ മേസൺ മൗണ്ടിന്റെ ഗോളിൽ ചെൽസിയാണ് മത്സരത്തിൽ ലീഡ് നേടിയത്. എന്നാൽ രണ്ടാം പകുതിയിൽ അന്റോണിയോ റുഡിഗറിന്റെ സെൽഫ് ഗോളിൽ ഷെഫീൽഡ് യുണൈറ്റഡ് സമനില പിടിക്കുകയായിരുന്നു. എന്നാൽ അധികം വൈകാതെ ടിമോ വെർണറിനെ പെനാൽറ്റി ബോക്സിൽ വീഴ്ത്തിയതിന് ലഭിച്ച പെനാൽറ്റി ഗോളാക്കി ജോർജിഞ്ഞോ ചെൽസിക്ക് വിജയ ഗോൾ നേടി കൊടുക്കുകയായിരുന്നു. ഇന്നത്തെ മത്സരത്തിൽ തോറ്റതോടെ ഷെഫീൽഡ് യുണൈറ്റഡിന്റെ നില പരുങ്ങലിലായി. നിലവിൽ പ്രീമിയർ ലീഗിൽ ഏറ്റവും അവസാന സ്ഥാനത്താണ് ഷെഫീൽഡ് യുണൈറ്റഡ്.