Tag: Sarfraz Ahmed

പാക്കിസ്ഥാന് ലോകകപ്പ് സെമിയില്‍ കടക്കുവാന്‍ ആകാത്തതില്‍ ക്ഷമ പറയേണ്ട ഒരാവശ്യവുമില്ലെന്ന് പറഞ്ഞ് പാക്കിസ്ഥാന്‍ നായകന്‍ സര്‍ഫ്രാസ് അഹമ്മദ്. ഞങ്ങള്‍ തീവ്രമായി ശ്രമിച്ച ശേഷമാണ് മടങ്ങുന്നത്. അതും രണ്ടും-നാലും പോയിന്റുമായല്ല, പതിനൊന്ന് പോയിന്റ് നേടിയാണ് ടീമിന്റെ മടക്കം. ആദ്യ 5 മത്സരങ്ങളില്‍ ടീമിന്റെ പ്രകടനം അത്ര നല്ലതായിരുന്നില്ലതെന്ന് സമ്മതിക്കുന്നു, എന്നാല്‍ വിമര്‍ശകര്‍ പറയുന്നത്ര മോശം പ്രകടനമല്ലായിരുന്നു ടീമിന്റേതെന്ന് പാക്കിസ്ഥാന്‍ നായകന്‍ പറഞ്ഞു.

പാക്കിസ്ഥാനെ പിന്തുണച്ച എല്ലാ ആരാധകര്‍ക്കും നന്ദി അര്‍പ്പിക്കുന്നു എന്ന് പറഞ്ഞു. തനിക്കെതിരെ മാത്രമല്ല ടീമിലെ മറ്റു താരങ്ങള്‍ക്കും ചിലരില്‍ നിന്ന് മോശം അനുഭവം ഉണ്ടായി, അവയെല്ലാം ടീം മാനേജ്മെന്റിനോട് തങ്ങള്‍ അറിയിച്ചിട്ടുണ്ടെന്നും പാക്കിസ്ഥാന്‍ നായകന്‍ പറഞ്ഞു. എന്നിരുന്നാലും ഈ സംഭവങ്ങളെ മാറ്റി നിര്‍ത്തിയാല്‍ ഏറെ ആരാധകര്‍ തങ്ങളുടെ കളികളെ പിന്തുണയ്ക്കുവാന്‍ ഗ്രൗണ്ടിലെത്തിയിരുന്നു. അതിന് താന്‍ നന്ദി അറിയിക്കുന്നു എന്നും സര്‍ഫ്രാസ് പറഞ്ഞു.

1992 ലോകകപ്പിലെ സമാനതകളെക്കുറിച്ച് ടീം ചിന്തിക്കുന്നില്ലെന്നും ഓരോ മത്സരങ്ങളും ഓരോ മത്സരമായി കണ്ട് മുന്നേറുക എന്നതാണ് ഇപ്പോള്‍ ടീമിന്റെ ലക്ഷ്യമെന്നും പറഞ്ഞ് പാക് നായകന്‍ സര്‍ഫ്രാസ് അഹമ്മദ്. 1992ല്‍ റൗണ്ട് റോബിന്‍ ഫോര്‍മാറ്റില്‍ ഇപ്പോളുള്ള അതേ ഫലങ്ങളായിരുന്നു പാക്കിസ്ഥാന് അന്നും ലഭിച്ചത്. ആദ്യ മത്സരത്തില്‍ വിന്‍ഡീസിനോട് തോറ്റ പാക്കിസ്ഥാന്റെ മൂന്നാം മത്സരം മഴ മൂലം ഉപേക്ഷിക്കപ്പെട്ടിരുന്നു. എന്നിട്ട് സെമിയിലേക്ക് കടന്ന പാക്കിസ്ഥാന്‍ കപ്പ് സ്വന്തമാക്കിയാണ് നാട്ടിലേക്ക് മടങ്ങിയത്.

ഇപ്പോള്‍ സമാനമായ രീതിയിലാണ് ഇതുവരെയുള്ള ടൂര്‍ണ്ണമെന്റ് പാക്കിസ്ഥാനായി പുരോഗമിച്ചിരിക്കുന്നത്. എന്നാല്‍ അത്തരം കാര്യങ്ങളെക്കുറിച്ച് അധികം ചിന്തിക്കാനില്ലെന്നും ടീമെന്ന നിലയില്‍ ആത്മവിശ്വാസമുണ്ടെന്നും തങ്ങള്‍ക്ക് നല്ല പ്രകടനം പുറത്തെടുക്കുവാനാകുമെന്നും സര്‍ഫ്രാസ് പറഞ്ഞു. ന്യൂസിലാണ്ടിനെതിരെയുള്ള മത്സരം വരെ ടീമിന്റെ ഫീല്‍ഡിംഗ് മോശമായിരുന്നു, എന്നാല്‍ പരിശീലനത്തില്‍ കഠിന പ്രയത്നത്തിലൂടെ അതില്‍ മെച്ചം വരുത്താന്‍ ടീമിന് സാധിച്ചിട്ടുണ്ടെന്ന് സര്‍ഫ്രാസ് പറഞ്ഞു.

ആരാധകര്‍ എന്നും പാക്കിസ്ഥാന്‍ ടീമിനൊപ്പം ഉണ്ടായിട്ടുണ്ടെന്നും അവരുടെ പിന്തുണയ്ക്ക് വലിയ നന്ദിയുണ്ടെന്നും സര്‍ഫ്രാസ് പറഞ്ഞു.

പാക്കിസ്ഥാന്‍ ടീം എന്ന് പ്രതിരോധ ഘട്ടത്തിലായിട്ടുണ്ടോ അന്ന് ടീം ശക്തമായ തിരിച്ചുവരവ് നടത്തിയിട്ടുണ്ടെ്നനും ന്യൂസിലാണ്ടിനെതിരെ അത്തരം ഒരു തിരിച്ചുവരവാണ് കണ്ടതെന്ന് പറഞ്ഞ് സര്‍ഫ്രാസ് അഹമ്മദ്. ഇതൊരു ടീം എഫേര്‍ട്ടിലൂടെ നേടിയ വിജയമാണ്, ഈ ഫലം വളരെ സന്തോഷം നല്‍കുന്നുെന്നും സര്‍ഫ്രാസ് പറഞ്ഞു. ബൗളര്‍മാര്‍ നല്‍കിയ തുടക്കം ശ്രദ്ധേയമായിരുന്നു, അമീര്‍ തുടങ്ങിയ രീതിയും ഷഹീന്‍ നേടിയ വിക്കറ്റുകളും ടീമിന് മേല്‍ക്കൈ നല്‍കി. ന്യൂസിലാണ്ട് മധ്യ ഓവറുകളില്‍ തിരിച്ച് വരവ് നടത്തിയെങ്കിലും ഷദബ് ഖാന്‍ മികച്ച് നിന്നു. ബാറ്റിംഗില്‍ ബാബര്‍ അസം-ഹാരിസ് സൊഹൈല്‍ കൂട്ടുകെട്ടും തിളങ്ങിയപ്പോള്‍ ഇത് ടീമില്‍ നിന്നുള്ള ഒത്തൊരുമയുടെ വിജയമാണെന്ന് സര്‍ഫ്രാസ് വ്യക്തമാക്കി.

തന്റെ അഭിപ്രായത്തില്‍ ബാബര്‍ അസം ഏറ്റവും മികച്ച ഇന്നിംഗ്സാണ് കളിച്ചത്, ഇത് അത്ര അനായാസകരമായ പിച്ചല്ലായിരുന്നു. ഈ പിച്ചില്‍ 50 ഓവര്‍ ബാറ്റ് ചെയ്യുകയെന്നതായിരുന്നു ല്ക്ഷ്യം, ഹാരിസ് സമ്മര്‍ദ്ദം കൈകാര്യം ചെയ്തതും പ്രശംസനീയമാണെന്ന് സര്‍ഫ്രാസ് പറഞ്ഞു. ഓഫ്-സ്പിന്നറെ കളിക്കുക അത്ര എളുപ്പമല്ലെന്നും സര്‍ഫ്രാസ് പറഞ്ഞു.

പാക്കിസ്ഥാന്റെ ദക്ഷിണാഫ്രിക്കയ്ക്കെതിരെയുള്ള വിജയം ടീം വര്‍ക്കിന്റെ വിജയമാണന്ന് അഭിപ്രായപ്പെട്ട് സര്‍ഫ്രാസ് അഹമ്മദ്. പൂര്‍ണ്ണമായ സംതൃപ്തി നല്‍കുന്ന ബൗളിംഗ് പ്രകടനമാണ് ടീം കാഴ്ച വെച്ചത്. മുഹമ്മദ് അമീര്‍ ടോപ് ഓര്‍ഡറില്‍ വിക്കറ്റുകള്‍ നേടി. ഷദബ് ഖാന്‍ മധ്യ നിരയെ പിടിച്ചുകെട്ടിയപ്പോള്‍ വാലറ്റത്തെ തൂത്തുവാരിയത് വഹാബ് റിയാസ് ആയിരുന്നു. ഇത് സമ്പൂര്‍ണ്ണ ആധിപത്യം നല്‍കുന്ന ബൗളിംഗ് പ്രകടനമാണെന്നും സര്‍ഫ്രാസ് കൂട്ടിചേര്‍ത്തു.

എന്നാല്‍ തങ്ങളുടെ ഫീല്‍ഡിംഗ് ഇനിയും ഏറെ മെച്ചപ്പെടാനുമുണ്ടെന്ന് സര്‍ഫ്രാസ് തുറന്ന് സമ്മതിച്ചു. ഫീല്‍ഡിംഗില്‍ ഇനിയും കഠിന പ്രയത്നം അനിവാര്യമാണ്. ക്യാച്ചുകള്‍ ഈ മത്സരത്തിലും വളരെ അധികം ടീം കൈവിട്ടു. ഇനിയുള്ള മൂന്ന് മത്സരങ്ങളും ഏറെ പ്രധാനമാണെന്നും പാക്കിസ്ഥാന്‍ നായകന്‍ പറഞ്ഞു.