പാകിസ്താൻ ക്രിക്കറ്റർ ഷൊഹൈബ് മാലികുമായുള്ള വിവാഹബന്ധം കുറച്ച് മാസങ്ങൾക്ക് മുമ്പ് തന്നെ താൻ വേർപ്പെടുത്തിയിരുന്നു എന്ന് വ്യക്തമാക്കി സാനിയ മിർസ. ഇന്ന് സാനിയയുടെ കുടുംബം ഒരു ഔദ്യോഗിക പ്രസ്താവന പുറത്തിറക്കി.
സാനിയ മിർസയുടെ മുൻ ഭർത്താവും മുൻ പാകിസ്ഥാൻ ക്രിക്കറ്റ് താരവുമായ ഷൊയ്ബ് മാലിക്കിന്റെ മൂന്നാം വിവാഹത്തെക്കുറിച്ചുള്ള വാർത്തകൾ വന്നതിനു പിന്നാലെയാണ് സാനിയയുടെ കുടുംബം പ്രസ്താവന ഇറക്കിയത്. ജനുവരി 20 ന് മാലിക്, പാകിസ്ഥാൻ ടിവി നടി സന ജാവേദുമായുള്ള തന്റെ വിവാഹം ലോകത്തെ അറിയിച്ചിരുന്ന്യ്.
സാനിയ വിവാഹമോചനം നേടിയിട്ട് കുറച്ച് മാസങ്ങൾ കഴിഞ്ഞു എന്നും വ്യാജവാർത്തകളിൽ നിന്ന് ഒഴിഞ്ഞു നിൽക്കണം എന്നും സാനിയയുടെ കുടുംബം ആവശ്യപ്പെട്ടു. അവരുടെ സ്വകാര്യത പരിഗണിക്കണം എന്നും പ്രസ്താവനയിൽ പറഞ്ഞു. 2010ൽ ആയിരുന്നു സാനിയയും ഷൊഹൈബ് മാലികും വിവാഹിതരായത്.
