Tag: Ricky Ponting

ഇന്ത്യയും പാകിസ്ഥാനും തമ്മിലുള്ള അതിർത്തിയിലെ സംഘർഷം വർധിച്ചതിനെ തുടർന്ന് ഐപിഎൽ 2025 താൽക്കാലികമായി നിർത്തിവച്ചെങ്കിലും, പഞ്ചാബ് കിംഗ്സിൻ്റെ (PBKS) വിദേശ കളിക്കാരെ ഇന്ത്യയിൽ തന്നെ നിലനിർത്തുന്നതിൽ മുഖ്യ പങ്കുവഹിച്ചത് ടീം ഹെഡ് കോച്ച് റിക്കി പോണ്ടിംഗാണ് ക്ലബ് സി ഇ ഒ. ടീമിൻ്റെ വിദേശ താരങ്ങളോടൊപ്പം നാട്ടിലേക്ക് മടങ്ങാൻ വിമാനത്തിൽ കയറിയ പോണ്ടിംഗ്, വെടിനിർത്തൽ പ്രഖ്യാപനം വന്നതിന് പിന്നാലെ യാത്ര അവസാനിപ്പിക്കുകയും മറ്റ് കളിക്കാരെ ഇവിടെത്തന്നെ തുടരാൻ പ്രേരിപ്പിക്കുകയും ചെയ്തു എന്ന് പിബികെഎസ് സിഇഒ സതീഷ് മേനോൻ വെളിപ്പെടുത്തി.

സ്ഥിതിഗതികളെക്കുറിച്ച് ആശങ്കാകുലരായിരുന്ന ഓസ്‌ട്രേലിയൻ താരങ്ങളായ മാർക്കസ് സ്റ്റോയിനിസ്, ആരോൺ ഹാർഡി, ജോഷ് ഇംഗ്ലിസ്, സേവ്യർ ബാർലെറ്റ് എന്നിവരെ പോണ്ടിംഗ് കാര്യങ്ങൾ പറഞ്ഞ് മനസ്സിലാക്കി. ടീം വൃത്തങ്ങൾ പറയുന്നതനുസരിച്ച്, അനിശ്ചിതത്വത്തിൻ്റെ ഈ സമയത്ത് പോണ്ടിംഗിൻ്റെ പ്രോത്സാഹന വാക്കുകൾ കളിക്കാർക്ക് ആശ്വാസം നൽകി.

“അദ്ദേഹത്തിന് മാത്രമേ ഇത് സാധ്യമാകൂ,” എന്ന് ഓസ്‌ട്രേലിയൻ ഇതിഹാസത്തിൻ്റെ നേതൃത്വത്തെ പ്രശംസിച്ച് മേനോൻ പറഞ്ഞു.

ദക്ഷിണാഫ്രിക്കൻ ഓൾറൗണ്ടർ മാർക്കോ യാൻസൻ മാത്രമാണ് യാത്ര തുടർന്ന ഏക വിദേശ പിബികെഎസ് താരം. എങ്കിലും, ആവശ്യമെങ്കിൽ പെട്ടെന്ന് മടങ്ങിയെത്താൻ സാധിക്കുന്ന തരത്തിൽ അദ്ദേഹം നിലവിൽ ദുബായിൽ യാത്രാമധ്യേയാണ്.
മെയ് 8 ന് വടക്കൻ ഇന്ത്യയുടെ ചില ഭാഗങ്ങളിൽ പാകിസ്ഥാൻ നടത്തിയ ആക്രമണത്തെ തുടർന്നാണ് ഐപിഎൽ നിർത്തിവച്ചത്.

കോഹ്‌ലിയുടെ സമീപകാല ഫോമിൽ മുൻ ഓസ്‌ട്രേലിയൻ ക്യാപ്റ്റൻ റിക്കി പോണ്ടിംഗ് ആശങ്ക പ്രകടിപ്പിച്ചതിന് പിന്നാലെ പ്രതിരോധവുമായി ഇന്ത്യൻ കോച്ച് ഗൗതം ഗംഭീർ രംഗത്തെത്തി. കഴിഞ്ഞ കുറച്ച് വർഷങ്ങളായുള്ള കോഹ്‌ലിയുടെ ഫോമിൽ പോണ്ടിംഗ് ആശങ്ക പ്രകടിപ്പിച്ചിരുന്നു. പോണ്ടിങ്ങിൻ്റെ അഭിപ്രായങ്ങൾ ഗംഭീർ തള്ളിക്കളഞ്ഞു. കോഹ്‌ലിയും രോഹിതും അവരുടെ കഴിവ് തെളിയിച്ചിട്ടുള്ള താരങ്ങൾ ആണെന്നും ഇന്ത്യൻ ടീമിൻ്റെ പ്രധാന കരുത്തായി അവർ തുടരുന്നുണ്ട് എന്നും ഊന്നിപ്പറഞ്ഞു.

“ഇന്ത്യൻ ക്രിക്കറ്റുമായി പോണ്ടിംഗിന് എന്ത് ബന്ധമാണ് ഉള്ളത്? അദ്ദേഹം ഓസ്‌ട്രേലിയൻ ക്രിക്കറ്റിൽ ശ്രദ്ധ കേന്ദ്രീകരിക്കണമെന്ന് ഞാൻ കരുതുന്നു. വിരാട്ടിനെയും രോഹിതിനെയും കുറിച്ച് എനിക്ക് ആശങ്കകളൊന്നുമില്ല. അവർ ഇന്ത്യൻ ക്രിക്കറ്റിനായി വളരെയധികം നേട്ടങ്ങൾ കൈവരിച്ചിട്ടുണ്ട്, അവർ ഇനിയും കൂടുതൽ നേട്ടങ്ങൾ കൈവരിക്കും.” ഗംഭീർ പറഞ്ഞു.

വരാനിരിക്കുന്ന ബോർഡർ-ഗവാസ്‌കർ ട്രോഫിയിൽ ഓസ്‌ട്രേലിയയെ നേരിടാൻ തയ്യാറെടുക്കുന്ന ഇന്ത്യയെ സംബന്ധിച്ചിടത്തോളം നിർണായകമായ, വിജയിക്കാനുള്ള ശക്തമായ “ഹംഗർ” രണ്ട് കളിക്കാരിലും ഉണ്ട് എന്നും ഗംഭീർ പറഞ്ഞു.

ഡെൽഹി ക്യാപിറ്റൽസ് അവരുടെ പരിശീലകനായ റിക്കി പോണ്ടിംഗിനെ പുറത്താക്കി. റിക്കി പോണ്ടിംഗ് അടുത്ത സീസൺ മുതൽ ഡൽഹി ക്യാപിറ്റൽസിനൊപ്പം ഉണ്ടാകില്ല എന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. അവസാന ഏഴ് വർഷമായി പോണ്ടിംഗ് ഡൽഹി ക്യാപിറ്റൽസിനൊപ്പം ഉണ്ടായിരുന്നു‌. ഇതു സംബന്ധിച്ച ഔദ്യോഗിക പ്രഖ്യാപനം ഉടൻ വരും എന്നാണ് പ്രതീക്ഷിക്കപ്പെടുന്നത്.

പോണ്ടിംഗിന്റെ കാലയളവിൽ ചില നല്ല കളിക്കാരെ വളർത്തിയെടുക്കാൻ അവർക്ക് ആയി എങ്കിലും ഡൽഹിയെ കിരീടത്തിലേക്ക് എത്തിക്കാൻ ആയിരുന്നില്ല. അവസാന സീസണിലും ഡൽഹി ക്യാപിറ്റൽസിന് നിരാശ മാത്രമായിരുന്നു ഫലം. ഇതാണ് ഒരു മാറ്റം തേടി ഡൽഹി ഇങ്ങനെ ഒരു വലിയ തീരുമാനം എടുത്തത്. ആരായിരിക്കും അടുത്ത ഡൽഹി ക്യാപിറ്റൽസ് പരിശീലകൻ എന്ന് വ്യക്തമല്ല‌ ഇതു സംബന്ധിച്ചും ക്ലബ് ഉടൻതന്നെ തീരുമാനമെടുക്കും.