ഡെൽഹി ക്യാപിറ്റൽസ് അവരുടെ പരിശീലകനായ റിക്കി പോണ്ടിംഗിനെ പുറത്താക്കി. റിക്കി പോണ്ടിംഗ് അടുത്ത സീസൺ മുതൽ ഡൽഹി ക്യാപിറ്റൽസിനൊപ്പം ഉണ്ടാകില്ല എന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. അവസാന ഏഴ് വർഷമായി പോണ്ടിംഗ് ഡൽഹി ക്യാപിറ്റൽസിനൊപ്പം ഉണ്ടായിരുന്നു. ഇതു സംബന്ധിച്ച ഔദ്യോഗിക പ്രഖ്യാപനം ഉടൻ വരും എന്നാണ് പ്രതീക്ഷിക്കപ്പെടുന്നത്.
പോണ്ടിംഗിന്റെ കാലയളവിൽ ചില നല്ല കളിക്കാരെ വളർത്തിയെടുക്കാൻ അവർക്ക് ആയി എങ്കിലും ഡൽഹിയെ കിരീടത്തിലേക്ക് എത്തിക്കാൻ ആയിരുന്നില്ല. അവസാന സീസണിലും ഡൽഹി ക്യാപിറ്റൽസിന് നിരാശ മാത്രമായിരുന്നു ഫലം. ഇതാണ് ഒരു മാറ്റം തേടി ഡൽഹി ഇങ്ങനെ ഒരു വലിയ തീരുമാനം എടുത്തത്. ആരായിരിക്കും അടുത്ത ഡൽഹി ക്യാപിറ്റൽസ് പരിശീലകൻ എന്ന് വ്യക്തമല്ല ഇതു സംബന്ധിച്ചും ക്ലബ് ഉടൻതന്നെ തീരുമാനമെടുക്കും.