Tag: Portugal

യൂറോ കപ്പ് 2024ൽ നിന്ന് ക്രിസ്റ്റ്യാനോ റൊണാൾഡോയും പോർച്ചുഗലും പുറത്ത്. ഇന്ന് നടന്ന ക്വാർട്ടർ ഫൈനലിൽ പോർച്ചുഗലിനെ കീഴ്പ്പെടുത്തി ഫ്രാന്ദ് സെമി ഫൈനലിലേക്ക് മുന്നേറി. നിശ്ചിത സമയത്തും എക്സ്ട്രാ ടൈമിലും ഗോൾ രഹിതമായി നിന്ന മത്സരത്തിൽ ഷൂട്ടൗട്ടിൽ ആയിരുന്നു ഫ്രാൻസിന്റെ ജയം.

അവസരങ്ങൾ സൃഷ്ടിക്കാൻ ഇരു ടീമുകളും ഏറെ പ്രയാസപ്പെട്ട മത്സരനായിരുന്നു ഇന്ന് കണ്ടത്. മികച്ച ഡിഫൻസീവ് അടിത്തറ കാത്ത രണ്ട് ടീമും ഗോൾ അടിക്കുന്നതിനെക്കാൾ ഗോൾ വഴങ്ങാതിരിക്കാൻ ആണ് ശ്രമിച്ചത്. നിശ്ചിത സമയത്തും എക്സ്ട്രാ ടൈമിലും ഗോൾ വന്നില്ല. തുടർന്ന് കളി ഷൂട്ടൗട്ടിലേക്ക് വന്നു‌.

ഷൂട്ടൗട്ടിൽ 5-3നാണ് ഫ്രാൻസ് ജയിച്ചത്‌. ജാവോ ഫെലിസ്കിന്റെ കിക്ക് ആണ് ലക്ഷ്യം കാണാതെ പോയത്. ഫ്രാൻസിനായി ഡെംബലെ, ഫൊഫാന, കൗണ്ടെ, ബാർകോള, തിയോ ഹെർണാണ്ടസ് എന്നിവർ കിക്ക് ലക്ഷ്യത്തിൽ എത്തിച്ചു.

പോർച്ചുഗലിനായി റൊണാൾഡോ, ബെർണാഡോ സിൽവ, നുനീ മെൻഡസ് എന്നിവർ ആണ് കിക്ക് ലക്ഷ്യത്തിൽ എത്തിച്ചത്. ഇനി സെമിയിൽ സ്പെയിനെ ആകും ഫ്രാൻസ് നേരിടുക.

പോർച്ചുഗൽ താരം റൊണാൾഡോ ഇത് തന്റെ അവസാന യൂറോ കപ്പ് ആയിരിക്കും എന്ന് പ്രഖ്യാപിച്ചു. ഇന്നലെ വൈകാരികമായ നിമിഷങ്ങൾ പിറന്ന സ്ലൊവീന്യക്ക് എതിരായ ക്വാർട്ടർ ഫൈനൽ മത്സരത്തിനു ശേഷം സംസാരിക്കുക ആയിരുന്നു റൊണാൾഡോ. താൻ ഇനി ഒരു യൂറോ കളിക്കും എന്ന് പ്രതീക്ഷിക്കുന്നില്ല എന്ന് താരം പറഞ്ഞു.

“ഇത് തീർച്ചയായും എൻ്റെ അവസാന യൂറോ ആയിരിക്കും.” അദ്ദേഹം പറഞ്ഞു. ഒപ്പം ഇന്നലെ നിർണായക പെനാൾട്ടി നഷ്ടപ്പെടുത്തിയതിന് അദ്ദേഹം ആരാധകരോട് മാപ്പും പറഞ്ഞു.

“ആരാധകരോട് ഞാൻ മാപ്പു ചോദിക്കുന്നു. ഈ ജേഴ്സിക്ക് വേണ്ടി ഞാൻ എല്ലായ്‌പ്പോഴും എൻ്റെ ഏറ്റവും മികച്ചത് നൽകും, ഞാൻ വിജയിച്ചാലും ഇല്ലെങ്കിലും എന്റെ മികച്ചത് ഞാൻ നൽകും. എൻ്റെ ജീവിതകാലം മുഴുവൻ ഞാൻ ഇത് ചെയ്യും. ഇത്തരം നിമിഷങ്ങളിക് ഉത്തരവാദിത്തം ഏറ്റെടുക്കണം.” റൊണാൾഡോ പറഞ്ഞു. താൻ കുടുംബത്തെ കുറിച്ച് ആലോചിക്കുമ്പോൾ ആണ് ഇമോഷണൽ ആകുന്നത് എന്നും റൊണാൾഡോ പറഞ്ഞു.

യൂറോകപ്പ് ഗ്രൂപ്പ് എഫ് പോരാട്ടത്തിൽ തുർക്കിയെ തോൽപ്പിച്ചുകൊണ്ട് പോർച്ചുഗലും റൊണാൾഡോയും പ്രീക്വാർട്ടർ ഉറപ്പിച്ചു. ഇന്ന് നടന്ന മത്സരത്തിൽ ഏകപക്ഷീയമായ മൂന്നു ഗോളുകൾക്ക് വിജയിച്ചു കൊണ്ടാണ് പോർച്ചുഗൽ ഗ്രൂപ്പ് ഘട്ടം കടക്കും എന്ന് ഉറപ്പിച്ചത്. ആദ്യ മത്സരത്തിൽ പോർച്ചുഗൽ ചെക്ക് റിപ്പബ്ലിക്കിനെയും തോൽപ്പിച്ചിരുന്നു.

ഇന്ന് തുടക്കം മുതൽ വ്യക്തമായ ആധിപത്യം പുലർത്തിയാണ് പോർച്ചുഗൽ വിജയിച്ചത്. ക്രിസ്റ്റ്യാനോ റൊണാൾഡോ ഒരു അസിസ്റ്റുമായി മികച്ച പ്രവർത്തനം നടത്തി. ഇരുപത്തിയൊന്നാം മിനിറ്റിൽ ഇടതുഭാഗത്തുനിന്ന് നുനോ മെൻഡസ് നൽകിയ പാസ് ലക്ഷത്തിൽ എത്തിച്ചുകൊണ്ട് ബർണാഡോ സിൽവയാണ് പോർച്ചുഗലിന് ലീഡ് നൽകിയത്.

28ആം മിനിറ്റിൽ തുർക്കിയുടെ ഒരു അബദ്ധത്തിൽ നിന്ന് വന്ന സെൽഫ് ഗോൾ പോർച്ചുഗലിന്റെ ലീഡ് ഇരട്ടിയാക്കി. ഈ ടൂർണമെന്റിലെ ആറാമത്തെ സെൽഫ് ഗോൾ ആണ് ഇത്. രണ്ടാം പുകതിയിലും മികച്ച പ്രകടനം തുടർന്ന പോർച്ചുഗൽ 56ആം മിനിറ്റിൽ മാഞ്ചസ്റ്റർ യുണൈറ്റഡ് താരം ബ്രൂണോ ഫെർണാണ്ടസിലൂടെ മൂന്നാം ഗോൾ നേടി. റൊണാൾഡോ ഗോൾമുഖത്ത് വെച്ച് നൽകിയ അസിസ്റ്റിൽ നിന്നായിരുന്നു ബ്രൂണോയുടെ ഗോൾ.

അതിനുശേഷം സമ്മർദ്ദം ഇല്ലാതെ കളിച്ചു പോർച്ചുഗൽ വിജയം ഉറപ്പിച്ചു. രണ്ടു മത്സരങ്ങൾ കഴിഞ്ഞപ്പോൾ 6 പോയിന്റുമായി ഗ്രൂപ്പിൽ ഒന്നാം സ്ഥാനത്ത് നിൽക്കുകയാണ്. ഗ്രൂപ്പിൽ ഇനി എന്തായാലും ആദ്യ സ്ഥാനത്ത് പോർച്ചുഗൽ ഫിനിഷ് ചെയ്യുമെന്ന് ഉറപ്പായി. ഇനി അവസാന മത്സരത്തിൽ അവർ ജോർജിയെ ആണ് നേരിടേണ്ടത്. തുർക്കി 3 പോയിന്റുമായി 2ആം സ്ഥാനത്ത് നിൽക്കുന്നു. ബാക്കി രണ്ട് ടീമുകൾക്കും ഓരോ പോയിൻറ് വീതമാണ് ഉള്ളത്.

യൂറോ കപ്പിൽ ഇഞ്ച്വറി ടൈം ഗോളിൽ വിജയിച്ച് പോർച്ചുഗൽ. ഇന്ന് ചെക്ക് റിപ്പബ്ലികിനെ നേരിട്ട പോർച്ചുഗൽ ഒന്നിനെതിരെ രണ്ടു ഗോളുകൾക്ക് ആണ് വിജയിച്ചത്. ഒരു ഗോളിന് പിറകിൽ നിന്ന ശേഷം തിരിച്ചടിച്ചായിരുന്നു പോർച്ചുഗലിന്റെ വിജയം. ഇഞ്ച്വറി ടൈമിൽ ആയിരുന്നു അവരുടെ വിജയ ഗോൾ വന്നത്.

ഇന്ന് ആദ്യ പകുതിയിൽ മികച്ച ഫുട്ബോൾ കളിക്കാൻ പോർച്ചുഗലിന് ആയെങ്കിലും ഗോൾ കണ്ടെത്താൻ ആയില്ല. ബ്രൂണോ ഫെർണാണ്ടസ് രണ്ട് മികച്ച അവസരങ്ങൾ ആദ്യ പകുതിയിൽ ഒരുക്കി. ഒന്ന് മുതലെടുക്കാൻ റാഫേൽ ലിയാവോക്ക് ആയില്ല. മറ്റൊന്നു റൊണാൾഡോയ്ക്ക് കിട്ടിയ അവസരമായിരുന്നു. റൊണാൾഡോയുടെ ഷോട്ട് അസാധ്യമായ സേവിലൂടെ ചെക്ക് ഗോൾ കീപ്പർ സ്റ്റാനെക് തടഞ്ഞു.

രണ്ടാം പകുതിയിൽ 62ആം മിനുട്ടിൽ ചെക്ക് റിപ്പബ്ലിക് അവരുടെ ആദ്യ ഷോട്ട് ഓൺ ടാർഗറ്റിലൂടെ ഗോൾ കണ്ടെത്തി. ലൂകാസ് പ്രൊവോർഡ് ആണ് ചെക്കിന് ലീഡ് നൽകിയത്. ഇതിനു ശേഷം ഉണർന്നു കളിച്ച പോർച്ചുഗൽ 69ആം മിനുട്ടിൽ സമനില കണ്ടെത്തി. ഒരു സെൽഫ് ഗോളാണ് പോർച്ചുഗലിനെ കളിയിലേക്ക് തിരികെ കൊണ്ടുവന്നത്.

ഇതിനു ശേഷം വിജയഗോളിനായുള്ള ശ്രമം ആയി. 87ആം മിനുട്ടിൽ ജോടയിലൂടെ പോർച്ചുഗൽ ലീഡ് എടുത്തു എങ്കിലും ബിൽഡ് അപ്പിൽ റൊണാൾഡോ ഓഫ് സൈഡ് ആണെന്ന് കണ്ടെത്തിയതോടെ ആ ഗോൾ നിഷേധിക്കപ്പെട്ടു. പക്ഷെ പോർച്ചുഗൽ തളർന്നില്ല. അവർ ഇഞ്ച്വറി ടൈമിൽ സബ്ബായി എത്തിയ കോൺസെസാവിലൂടെ വിജയ ഗോൾ നേടി. 21കാരന്റെ ഗോൾ പോർച്ചുഗലിന് വിജയം ഉറപ്പിച്ചു നൽകി.

ഇനി തുർക്കിയും ജോർജിയയും ആണ് പോർച്ചുഗലിന്റെ ഗ്രൂപ്പിലെ ശേഷിക്കുന്ന എതിരാളികൾ.

ക്രിസ്റ്റ്യാനോ റൊണാൾഡോ യൂറോ കപ്പ് 2024 ടൂർണമെന്റിനു മുന്നോടിയായൊ നാളെ പോർച്ചുഗലിന്റെ സ്ക്വാഡിനൊപ്പം ചേരും. നേരത്തെ റൊണാൾഡോ ഒരാഴ്ച അധികം വിശ്രമിക്കാൻ തീരുമാനിച്ചിരുന്ന റൊണാൾഡോ അത് പിൻവലിച്ചാണ് ടീമിനൊപ്പം ചേരുന്നത്. ടീമിനൊപ്പം ചേരും എങ്കിലും റൊണാൾഡോ അടുത്ത സൗഹൃദ മത്സരത്തിൽ കളിക്കാൻ സാധ്യതയില്ല.

ഈ മത്സരത്തിലും താരത്തിന് വിശ്രമം നൽകാനാണ് പരിശീലകൻ റൊബേർടോ മാർട്ടിനസ് ഇപ്പോൾ തീരുമാനിച്ചിരിക്കുന്നത്. ഇന്നലെ നടന്ന ഫിൻലാൻഡിനെതിരായ മത്സരം റൊണാൾഡോ കളിച്ചിരുന്നില്ല. ക്രൊയേഷ്യയുമാണ് പോർച്ചുഗലിന്റെ അടുത്ത സൗഹൃദ മത്സരം.

എന്നാൽ ജൂൺ 11ന് നടക്കുന്ന അയർലൻഡിനെതിരായ അവസാന സൗഹൃദ മത്സരത്തിൽ റൊണാൾഡോ കളിക്കും. അതാണ് യൂറോകപ്പിന് മുന്നേയുള്ള പോർച്ചുഗലിന്റെ അവസാന മത്സരം. ജൂൺ പതിനെട്ടാം തീയതി ചെക്ക് റിപ്പബ്ലിക് എതിരെയാണ് പോർച്ചുഗലിന്റെ യൂറോകപ്പിലെ ആദ്യ മത്സരം. അൽ നസറിനൊപ്പമുള്ള റൊണാൾഡോയുടെ സീസൺ കഴിഞ്ഞ ആഴ്ച മാത്രമായിരുന്നു അവസാനിച്ചത്.

ലോകകപ്പിലെ നിരാശ യൂറോ കപ്പിലൂടെ മാറ്റാൻ ആകും എന്നാണ് ക്രിസ്ത്യാനോ റൊണാൾഡോയും പോർച്ചുഗലും പ്രതീക്ഷിക്കുന്നത്.

യൂറോ കപ്പിനായുള്ള പോർച്ചുഗൽ സ്ക്വാഡ് പ്രഖ്യാപിച്ചു. ക്രിസ്റ്റ്യാനോ റൊണാൾഡോ തന്നെ ആകും ടീമിനെ നയിക്കുക. വെറ്ററൻ താരം പെപെയും ടീമിൽ ഉണ്ട്. റൊണാൾഡോയുടെ ആറാം യൂറോ കപ്പ് ആകും ഇത്. കഴിഞ്ഞ ലോകകപ്പിലെ നിരാശ യൂറോയിലൂടെ മാറ്റുക ആകും പോർച്ചുഗൽ ലക്ഷ്യം.

മാഞ്ചസ്റ്റർ സിറ്റി താരങ്ങളായ റുബൻ നെവസ്, ബെർണാഡോ സിൽവ, മാഞ്ചസ്റ്റർ യുണൈറ്റഡ് താരങ്ങളായ ബ്രൂണോ ഫെർണാണ്ടസ്, ഡിയാഗോ ഡാലോട്ട് എന്നിവർ ടീമിൽ ഉണ്ട്. ഡിയേഗോ ജോട, റാഫേൽ ലിയാവോ, ജാവോ ഫെലിക്സ് തുടങ്ങിയ പ്രമുഖ അറ്റാക്കിംഗ് താരങ്ങളും ടീമിൽ ഉണ്ട്. യുവതാരം ജാവോ നെവസും ടീമിൽ ഉണ്ട്.

സ്ക്വാഡ്;

Goalkeepers: Rui Patricio, Diogo Costa, José Sá

Defenders: João Cancelo, Diogo Dalot, Nélson Semedo, Pepe, Rúben Dias, António Silva, Gonçalo Inácio, Danilo, Nuno Mendes

Midfielders: Palhinha, Rúben Neves, Vitinha, João Neves, Bruno Fernandes, Otávio

Forwards: Bernardo Silva, Rafael Leão, Pedro Neto, Francisco Conceição, Diogo Jota, João Félix, Gonçalo Ramos, Cristiano Ronaldo