ഫ്രഞ്ച ക്ലബായ ലിയോൺ പുതിയ മാനേജരായി ഫാബിയോ ഗ്രോസോയെ നിയമിക്കാൻ തീരുമാനിച്ചു. മുൻ ബ്രെസിയ മാനേജർ അയ് ഗ്രോസോ 2007 നും 2009 നും ഇടയിൽ ലിയോണിന് ആയി കളിച്ചിട്ടുമുണ്ട്. അവസാന സീസണിൽ ഫ്രോസിനോണിനെ സീരി ബിയിൽ നിന്ന് സീരി എയിലേക്ക് അദ്ദേഹം പ്രമോഷൻ നേടി എത്തിച്ചിരുന്നു. എങ്കിലും സീസൺ അവസാനം അദ്ദേഹം ഫ്രോസിനോൺ വിട്ടു.
ഗട്ടൂസോയാണ് ലിയോണിന്റെ പരിശീലകനാകും എന്ന് കരുതിയിരുന്നു എങ്കിലും ചർച്ചകൾ പകുതിക്ക് അവസാനിച്ചു. ലോറന്റ് ബ്ലാങ്ക് കഴിഞ്ഞ തിങ്കളാഴ്ച ആയിരുന്നു ലിയോൺ മാനേജർ സ്ഥാനം ഒഴിഞ്ഞത്. ഈ വാരാന്ത്യത്തിൽ ലിയോൺ ലെ ഹാവ്രെയെ നേരിടുന്നുണ്ട്. അതാകും ഗ്രോസോയുടെ ആദ്യ മത്സരം.