വനിതകളുടെ 57 കിലോ ഫ്രീസ്റ്റൈൽ ഗുസ്തിയിൽ ക്വാര്‍‍ട്ടറിലേക്കെത്തുവാനാകാതെ ഇന്ത്യയുടെ അന്‍ഷു മാലിക്. 2-8 എന്ന പോയിന്റിനാണ് അന്‍ഷു പരാജയം ഏറ്റുവാങ്ങിയത്. ലോക ചാമ്പ്യന്‍ഷിപ്പിൽ 2 തവണ മെഡൽ നേട്ടക്കാരിയാണ് ഐറൈന.
19 വയസ്സുകാരി അന്‍ഷു മാലിക് മൂന്നാം സീഡ് ബെലാറസിന്റെ ഐറൈന കറച്കീനയ്ക്കെതിരെയാണ് ഇന്ന് മത്സരത്തിനിറങ്ങിയത്. ആദ്യ പിരീഡ് അവസാനിക്കുമ്പോള്‍ ബെലാറസ് താരം 4-0ന്റെ ലീഡ് നേടുകയായിരുന്നു.
രണ്ടാം പിരീഡിൽ രണ്ട് പോയിന്റുകള്‍ തുടരെ നേടി അന്‍ഷു തിരിച്ചുവരവ് നടത്തിയെങ്കിലും മികച്ചൊരു കൗണ്ടറിലൂടെ ഐറീന തിരിച്ചുവരവ് നടത്തിയപ്പോള്‍ പരിചയസമ്പത്തിന്റെ ഗുണം എന്താണെന്നത് കാണുവാന്‍ ഏവര്‍ക്കും സാധിച്ചു.
