2024 ലെ പാരീസ് ഒളിമ്പിക്‌സിൽ അയോഗ്യ ആക്കപ്പെട്ടതിനെ തുടർന്ന് പുറത്തായ ഇന്ത്യൻ ഗുസ്തി താരം വിനേഷ് ഫോഗട്ട്, ഇന്ത്യൻ ഒളിമ്പിക് അസോസിയേഷൻ (ഐഒഎ) പ്രസിഡൻ്റ് പി ടി ഉഷയ്‌ക്കെതിരെ ശക്തമായ ആരോപണവുമായി രംഗത്ത്. 53 കിലോഗ്രാം ഫ്രീസ്റ്റൈൽ ഗുസ്തി ഫൈനലിൽ നിന്ന് വിനേഷിനെ അയോഗ്യ ആക്കുകയായിരുന്നു. വിനേഷ് ഫൊഗട്ടിനെ ക്ലിനിക്കിൽ വെച്ച് ആശ്വസിപ്പിക്കുന്നത് പോലുള്ള ചിത്രം പി ടി ഉഷ സോഷ്യൽ മീഡിയയിൽ പങ്കുവെച്ചിരുന്നു, എന്നാൽ തൻ്റെ അറിവില്ലാതെയാണ് ആ ഫോട്ടോ ക്ലിക്ക് ചെയ്തതെന്നാണ് വിനേഷിൻ്റെ വാദം.
പി ടി ഉഷയിൽ നിന്ന് അർത്ഥവത്തായ പിന്തുണ തനിക്ക് ലഭിച്ചില്ലെന്ന് വിനേഷ് പ്രസ്താവിച്ചു. “എനിക്ക് അവിടെ എന്ത് പിന്തുണ ലഭിച്ചുവെന്ന് എനിക്കറിയില്ല,” വിനേഷ് പങ്കുവെച്ചു, ഒരു രാഷ്ട്രീയ എല്ലാത്തിനെയും കാണുകയാണ് അവർ.
പി ടി ഉഷ ഷെയർ ചെയ്ത ഫോട്ടോ യഥാർത്ഥ പിന്തുണയല്ലെന്നും വെറും സോഷ്യൽ മീഡിയ പോസ്റ്റിംഗ് മാത്രമാണെന്നും അവർ പറഞ്ഞു, “നിങ്ങൾ എന്നോടൊപ്പം നിൽക്കുന്നു എന്ന് എല്ലാവരെയും കാണിക്കാൻ, നിങ്ങൾ എന്നോട് പറയാതെ ഒരു ഫോട്ടോ ക്ലിക്കുചെയ്‌ത് സോഷ്യൽ മീഡിയയിൽ പോസ്റ്റുചെയ്‌തു. നിങ്ങൾ ഇങ്ങനെയാണോ പിന്തുണ കാണിക്കുന്നത്.” അവർ ചോദിക്കുന്നു.
