സെമിയിൽ മിമ ഇറ്റോയോട് പരാജയം, പോരാടി വീണ് മണിക

ഏഷ്യന്‍ കപ്പ് ടേബിള്‍ ടെന്നീസ് ടൂര്‍ണ്ണമെന്റിന്റെ സെമി ഫൈനലില്‍ ഇന്ത്യയുടെ മണിക ബത്രയ്ക്ക് തോൽവി. ലോക റാങ്കിംഗിൽ ആറാം സ്ഥാനത്തുള്ള മിമ ഇറ്റോയോട് 2-4 എന്ന സ്കോറിനാണ് മണിക പരാജയപ്പെട്ടത്. ഇനി വെങ്കല മെഡലിനായി മണിക ജപ്പാന്റെ തന്നെ ഹയാറ്റയോട് ഏറ്റുമുട്ടും.

ലോക റാങ്കിംഗിൽ 44ാം സ്ഥാനത്തുള്ള മണിക തന്റെ ആദ്യ മത്സരത്തിൽ ഏഴാം റാങ്കുകാരിയെയും രണ്ടാം മത്സരത്തിൽ 23ാം റാങ്കുകാരിയെയും പരാജയപ്പെടുത്തിയാണ് സെമിയിലെത്തിയത്.

സ്കോര്‍: 8-11, 11-7, 7-11, 6-11, 11-8, 7-11