ലോകകപ്പ് ഫൈനല്‍ പരാജയത്തിന് പകരം വീട്ടി ക്യാപ്റ്റന്‍ ഡ്രാഗണ്‍, ഐടിടിഎഫ് ഫൈനല്‍സ് കിരീടം സ്വന്തമാക്കി മാ ലോംഗ്

Malong
- Advertisement -

ഐടിടിഎഫ് ഫൈനല്‍സില്‍ ലോകകപ്പ് ഫൈനല്‍ പോരാളികള്‍ വീണ്ടും ഏറ്റുമുട്ടിയപ്പോള്‍ ഇത്തവണ വിജയം മാ ലോംഗിന്. ലോകകപ്പ് ജേതാവ് കൂടിയായ ഫാന്‍ ചെംഗ്ഡോംഗിനെ 4-1 എന്ന സ്കോറിന് പരാജയപ്പെടുത്തിയാണ് ക്യാപ്റ്റന്‍ ഡ്രാഗണ്‍ എന്നറിയപ്പെടുന്ന മാ ലോംഗിന്റെ വിജയം.

ആദ്യ രണ്ട് ഗെയിം ജയിച്ച മാ ലോംഗ് മൂന്നാം ഗെയിമില്‍ രണ്ട് ഗെയിം പോയിന്റ് രക്ഷിച്ചാണ് ഗെയിം സ്വന്തമാക്കി 3-0ന്റെ ലീഡ് നേടിയത്. നാലാം ഗെയിം ഫാന്‍ നേടിയെങ്കിലും മാ ലോംഗിന്റെ ജയം തടുക്കുവാന്‍ താരത്തിനായില്ല.

ഇത് ആറാം തവണയാണ് ഐടിടിഎഫ് ഫൈനല്‍സ് കിരീടം മാ ലോംഗ് നേടുന്നത്. 2008, 2009, 2011, 2015, 2016 വര്‍ഷങ്ങളില്‍ മാ ലോംഗ് ഈ ടൂര്‍ണ്ണമെന്റ് വിജയിച്ചിട്ടുണ്ട്. 13-11, 11-7, 12-10, 9-11, 11-8 എന്ന സ്കോറിനായിരുന്നു മാ ലോംഗിന്റെ വിജയം.

Advertisement