ഇന്നലെ 25 മീറ്റര്‍ പിസ്റ്റള്‍ വനിത വിഭാഗത്തില്‍ മത്സരോപകരണത്തിന്റെ പ്രവര്‍ത്തനത്തിലെ തകരാര്‍ മൂലം പുറത്ത് പോകേണ്ടി വന്ന മനു ഭാക്കറിനു ആശ്വാസമായി ഇന്ന് മ്യൂണിക് ഷൂട്ടിംഗ് ലോകകപ്പിലെ 10 മീറ്റര്‍ എയര്‍ പിസ്റ്റള്‍ വിഭാഗം മത്സരം. താരത്തിനു മെഡലൊന്നും നേടാനായില്ലെങ്കിലും നാലാം സ്ഥാനത്ത് എത്തുവാനായതിന്റെ ബലത്തില്‍ മനു ഭാക്കര്‍ ടോക്കിയോ ഒളിമ്പിക്സ് യോഗ്യത ഉറപ്പാക്കുകയായിരുന്നു.
ഷൂട്ടിംഗില്‍ ഇന്ത്യ നേടുന്ന ഏഴാമത്തെ യോഗ്യത ക്വോട്ടയാണ് ഇത്.
