ചരിത്രം തിരുത്തുവാനാകാതെ തമിഴ് തലൈവാസ് ഒരു വട്ടം കൂടി തെലുഗു ടൈറ്റന്‍സിനോട് തോറ്റപ്പോള്‍ ടൂര്‍ണ്ണമെന്റ് ചരിത്രത്തിലെ നാലാമത്തെ തോല്‍വിയാണ് ഇന്ന് തമിഴ് തലൈവാസ് തെലുഗു ടൈറ്റന്‍സിനോട് ഏറ്റുവാങ്ങിയത്. ഈ സീസണിലെ തുടര്‍ച്ചയായ രണ്ടാം തോല്‍വിയാണ് തലൈവാസ് നാട്ടിലേറ്റു വാങ്ങിയത്. 17-11നു പകുതി സമയത്ത് ലീഡ് ചെയ്ത ടൈറ്റന്‍സ് മത്സരം 33-28 എന്ന സ്കോറിനു സ്വന്തമാക്കി.

രാഹുല്‍ ചൗധരിയും അജയ് താക്കൂറും തമ്മിലുള്ള പോര് കണ്ട മത്സരത്തില്‍ ഇരു താരങ്ങളും 9 പോയിന്റുമായി ഒപ്പത്തിനൊപ്പം നില്‍ക്കുകയായിരുന്നു. തെലുഗു ടൈറ്റന്‍സിനു രണ്ട് ഓള്‍ഔട്ട് പോയിന്റ് ലഭിക്കുകയും പ്രതിരോധത്തില്‍ 3 പോയിന്റിന്റെ (14-11) ലീഡ് നേടുവാനും സാധിച്ചതാണ് ടീമിനു തുണയായത്. റെയിഡിംഗ് പോയിന്റില്‍ ഇരു ടീമുകളും 16 പോയിന്റ് വീതം നേടി ഒപ്പം നിന്നു.

Loading...