ബംഗാള്‍ വാരിയേഴ്സിന്റെ ആദ്യ മത്സരത്തില്‍ ജയം സ്വന്തമാക്കി ടീം. തമിഴ് തലൈവാസിന്റെ കഷ്ടകാലം അവസാനിക്കാതിരുന്ന മത്സരത്തില്‍ 36-27 എന്ന സ്കോറിനായിരുന്നു ടീമിന്റെ വിജയം. ആദ്യ പകുതിയില്‍ 18-15നു ബംഗാള്‍ തന്നെയായിരുന്നു മുന്നില്‍. അജയ് താക്കൂര്‍ നിറം മങ്ങിപ്പോയതാണ് തലൈവാസിനു തിരിച്ചടിയായത്. ആറ് പോയിന്റ് മാത്രമാണ് സൂപ്പര്‍ താരം നേടിയത്. ജസ്വീര്‍ സിംഗ് ഏഴും മഞ്ജീത്ത് ചില്ലര്‍ അഞ്ച് പോയിന്റും തലൈവാസിനായി നേടി.
അതേ സമയം ബംഗാളിനായി മനീന്ദര്‍ സിംഗ് 9 പോയിന്റും മഹേഷ് ഗൗഡ് 5 പോയിന്റും നേടി. സൂപ്പര്‍ താരം ജാന്‍ കുന്‍ ലീയ്ക്ക് അധികം പ്രഭാവം മത്സരത്തില്‍ സൃഷ്ടിക്കാനായില്ല.
റെയിഡിംഗില്‍ ഇരു ടീമുകളും ഒപ്പത്തിനൊപ്പം നിന്നപ്പോള്‍ (18-18) പ്രതിരോധത്തില്‍ 10-8നു ലീഡ് ബംഗാള്‍ കൈവശപ്പെടുത്തി. രണ്ട് തവണയാണ് മത്സരത്തില്‍ തലൈവാസ് ഓള്‍ഔട്ട് ആയത്. അധിക പോയിന്റ് നേടുന്നതിലും ബംഗാള്‍ തന്നെയായിരുന്നു ബഹുദൂരം മുന്നില്‍(4-1).
