തെലുഗു ടൈറ്റന്‍സിനെതിരെ വലിയ വിജയം നേടി പുനേരി പള്‍ട്ടന്‍

15 പോയിന്റിന്റെ കൂറ്റന്‍ വിജയം സ്വന്തമാക്കി പുനേരി പള്‍ട്ടന്‍. ഇന്നലെ നടന്ന രണ്ടാം മത്സരത്തില്‍ തെലുഗു ടൈറ്റന്‍സിനെയാണ് പുനേരി പള്‍ട്ടന്‍ കശക്കിയെറിഞ്ഞത്. ഇടവേള സമയത്ത് 17-10ന്റെ ലീഡായിരുന്നു പൂനെയുടെ കൈവശമെങ്കില്‍ അത് ഇരട്ടിയാക്കുവാന്‍ രണ്ടാം പകുതിയില്‍ ടീമിനു സാധിച്ചു. ജിബി മോറെ നേടിയ സൂപ്പര്‍ 10ന്റെ മികവിലാണ് പൂനെയുടെ തകര്‍പ്പന്‍ ജയം. രവി കുമാര്‍ അഞ്ചും സന്ദീപ് നര്‍വാല്‍ നാലും പോയിന്റ് നേടി. ടൈറ്റന്‍സിനു വേണ്ടി ഫര്‍ഹാദ് മിലാഗ്ഹാര്‍ദാന്‍ അഞ്ച് പോയിന്റ് നേടി.

റെയിഡിംഗില്‍ 14-15നു പൂനെ പിന്നില്‍ പോയെങ്കിലും 16-5നു 11 പോയിന്റ് വ്യത്യാസത്തിലാണ് ടീം പ്രതിരോധത്തില്‍ മേല്‍ക്കൈ നേടിയത്. രണ്ട് തവണ എതിരാളികളെ ഓള്‍ഔട്ട് ആക്കുവാനും പൂനെയ്ക്ക് സാധിച്ചു.