തുടര്‍ച്ചയായ രണ്ട് മത്സരങ്ങളില്‍ സമനിലയില്‍ പിരിയേണ്ടി വന്ന യുപി യോദ്ധയ്ക്ക് ഇന്നത്തെ മത്സരത്തില്‍ ഫലം തോല്‍വി. ബെംഗളൂരു ബുള്‍സിനെതിരെ 37-27 എന്ന സ്കോറിനാണ് യുപി പിന്നില്‍ പോയത്. പകുതി സമയത്ത് 19-11നു ലീ‍ഡ് ചെയ്യുകയായിരുന്നു ബെംഗളൂരു തുടര്‍ന്നും മികവ് പുലര്‍ത്തിയപ്പോള്‍ വലിയ ബുദ്ധിമുട്ടില്ലാതെ ജയം ഉറപ്പാക്കി.

റെയിഡിംഗില്‍ ബെംഗളൂരു 19-14നു മുന്നില്‍ നിന്നപ്പോള്‍ പ്രതിരോധത്തില്‍ ഇരു ടീമുകളും 12 പോയിന്റ് വീതം നേടി നിന്നു. രണ്ട് തവണ യുപിയെ ഓള്‍ഔട്ട് ആക്കിയത് വഴി നാല് ഓള്‍ഔട്ട് പോയിന്റ് ബെംഗളൂരു സ്വന്തമാക്കി. 2-1 നു അധിക പോയിന്റിലും ബെംഗളൂരു തന്നെ മുന്നില്‍ നിന്നു.

പവന്‍ ഷെഹ്റാവത്ത്(11), രോഹിത് കുമാര്‍(7), മഹേന്ദര്‍ സിംഗ്(6) എന്നിവര്‍ ബെംഗളൂരു ബുള്‍സിനായി മികവ് പുലര്‍ത്തിയപ്പോള്‍ നിതേഷ് കുമാര്‍(6), ഋഷാംഗ് ദേവഡിഗ(5), സച്ചിന്‍ കുമാര്‍(5) എന്നിവരായിരുന്നു യുപിയുടെ പ്രധാന പോയിന്റ് നേട്ടക്കാര്‍.

Loading...