കൊറോണ വൈറസ് മൂലം ഒടുവിൽ എൻ.ബി.എയും നിർത്തി വച്ചു. ഉട്ടാഹ് ജാസ് താരം റൂഡി ഗോബർട്ടിന് കൊറോണ ബാധ സ്ഥിരീകരിച്ചതോടെ ആണ് എൻ.ബി.എക്ക് കടുത്ത തീരുമാനം എടുക്കേണ്ടി വന്നത്. ആദ്യം അടച്ചിട്ട സ്റ്റേഡിയത്തിൽ മത്സരങ്ങൾ നടത്തി നോക്കിയ അവർ പക്ഷെ പിന്നീട് മത്സരങ്ങൾ നിർത്തി വക്കാൻ തീരുമാനിക്കുക ആയിരുന്നു.
നിലവിൽ ഏതാണ്ട് 2 ആഴ്ച്ചത്തേക്ക് എങ്കിലും എൻ.ബി.എ മത്സരങ്ങൾ നടക്കില്ല. അതിനു ശേഷം മത്സരങ്ങൾ തുടങ്ങുമോ എന്ന കാര്യത്തിലും വ്യക്തത ഇല്ല. അതേസമയം താരങ്ങൾക്ക് പരിശീലനത്തിനു അനുമതി ഉണ്ടെങ്കിലും ആരാധകരെ പരിശീലനത്തിനു പ്രവേശിപ്പിക്കില്ല. അമേരിക്കയിൽ കൊറോണ വൈറസ് വലിയ ഭീഷണി ആവുകയാണ്. നിലവിൽ യാത്രവിലക്ക് അടക്കം പലതും അവർ പ്രഖ്യാപിച്ചു കഴിഞ്ഞു.
