ഇന്തോനേഷ്യ ഓപ്പണിന്റെ വനിത ഡബിള്‍സ് ആദ്യ റൗണ്ടില്‍ തന്നെ പുറത്തായി ഇന്ത്യന്‍ കൂട്ടുകെട്ട്. ഇന്ത്യയുടെ അശ്വിനി പൊന്നപ്പ-സിക്കി റെഡ്ഢി കൂട്ടുകെട്ടാണ് ആവേശപ്പോരില്‍ പൊരുതി വീണത്. മലേഷ്യയുടെ വിവിയന്‍ ഹൂ-ചെന്‍ വെന്‍ യാപ് കൂട്ടുകെട്ടിനോട് ഇന്ത്യയുടെ അശ്വിനി പൊന്നപ്പ-സിക്കി റെഡ്ഢി ജോഡി മൂന്ന് ഗെയിം പോരാട്ടത്തിലാണ് കീഴടങ്ങിയത്. ആദ്യ ഗെയിമില്‍ 20-22ന് പിന്നില്‍ പോയ സഖ്യം അതേ സ്കോറില്‍ രണ്ടാം ഗെയിം വിജയിച്ചുവെങ്കിലും മൂന്നാം ഗെയിം അതേ സ്കോര്‍ ലൈനില്‍ തന്നെ അടിയറവ് പറഞ്ഞു.
സ്കോര്‍: 20-22, 22-20, 20-22. 75 മിനുട്ടാണ് മത്സരം നീണ്ട് നിന്നത്.
