വനിത ഡബിള്‍സ് സഖ്യത്തിനും ആദ്യ റൗണ്ടില്‍ തിരിച്ചടി

മലേഷ്യ ഓപ്പണില്‍ പുരുഷ സിംഗിള്‍സില്‍ സമീര്‍ വര്‍മ്മയുടെ തോല്‍വിയ്ക്ക് പിന്നാലെ വനിത ഡബിള്‍സില്‍ ടീമിനും പരാജയം. ഇന്ത്യയുടെ അശ്വിനി പൊന്നപ്പ-സിക്കി റെഡ്ഢി കൂട്ടുകെട്ടിനാണ് മൂന്ന് ഗെയിം പോരാട്ടത്തില്‍ മത്സരം കൈവിടേണ്ടി വന്നത്. ആദ്യ റൗണ്ട് മത്സരത്തില്‍ കൊറിയയുടെ കൂട്ടുകെട്ടിനോട് ഇരുവരുടെയും തോല്‍വി.
61 മിനുട്ട് നീണ്ട മത്സരത്തില്‍ ആദ്യ ഗെയിം കൈവിട്ട ശേഷം ശക്തമായ തിരിച്ചുവരവ് ഇന്ത്യന്‍ കൂട്ടുകെട്ട് നേടിയെങ്കിലും മൂന്നാം ഗെയിമില്‍ അവസാന നിമിഷം ടീമിനു കാലിടറുകയായിരുന്നു.

സ്കോര്‍: 20-22, 21-17, 20-22.