സൈനയും പ്രണോയിയും കോവിഡ് പോസിറ്റീവ്, തായ്‍ലാന്‍ഡ് ഓപ്പണില്‍ നിന്ന് പിന്മാറി

- Advertisement -

ഇന്ത്യയുടെ മുന്‍ നിര ബാഡ്മിന്റണ്‍ താരങ്ങളായ സൈന നെഹ്‍വാലും എച്ച്എസ് പ്രണോയിയും കോവിഡ് പോസ്റ്റീവെന്ന് സ്ഥിരീകരിച്ചു. തായ്‍ലാന്‍ഡ് ഓപ്പണിന് മുന്നോടിയായുള്ള പരിശോധനയിലാണ് ഇരു താരങ്ങളുടെയും ഫലം പ്രതികൂലമായി മാറിയത്. ഇതോടെ ഇരു താരങ്ങളും ടൂര്‍ണ്ണമെന്റില്‍ നിന്ന് പിന്മാറുകയായിരുന്നു.

Prannoyhs

തായ്‍ലാന്‍ഡില്‍ എത്തിയ ശേഷമുള്ള മൂന്നാമത്തെയും അവസാനത്തെയും ടെസ്റ്റിലാണ് ഇരു താരങ്ങളും പോസിറ്റീവ് ആണെന്ന് കണ്ടെത്തിയത്. ഇതോടെ താരങ്ങളെ 10 ദിവസത്തെ ഹോസ്പിറ്റല്‍ ഐസൊലേഷനിലേക്ക് മാറ്റുകയായിരുന്നു.

സൈനയുമായി അടുത്ത സമ്പര്‍ക്കം ഉള്ളതിനാല്‍ തന്നെ ഭര്‍ത്താവ് പാരുപ്പള്ളി കശ്യപും ടൂര്‍ണ്ണമെന്റില്‍ നിന്ന് പിന്മാറി. മറ്റു താരങ്ങള്‍ക്ക് മത്സരിക്കുവാന്‍ അനുമതി നല്‍കിയിട്ടുണ്ട്. എന്നാല്‍ കോച്ചിന്റെയോ സപ്പോര്‍ട്ട് സ്റ്റാഫിന്റെയും സഹായം മത്സര സമയത്ത് ഇവര്‍ക്ക് ലഭിക്കില്ല.

Advertisement