തായ്‍ലാന്‍ഡ് ഓപ്പണില്‍ ആദ്യ റൗണ്ടില്‍ തന്നെ പാരുപ്പള്ളി കശ്യപ് പുറത്ത്. ഇന്ന് നടന്ന മത്സരത്തില്‍ മൂന്നാം ഗെയിമിനിടെ താരം പിന്മാറുകയായിരുന്നു. തന്നെക്കാളും റാങ്കിംഗില്‍ പിന്നിലായിരുന്ന ജേസണ്‍ ആന്തണിയോടാണ് താരത്തിന് തിരിച്ചടിയേറ്റു വാങ്ങേണ്ടി വന്നത്.
ആദ്യ ഗെയിമില്‍ 9-21ന് പിന്നില്‍ പോയ കശ്യപ് രണ്ടാം ഗെയിമില്‍ ശക്തമായ തിരിച്ചുവരവ് നടത്തിയെങ്കിലും മൂന്നാം ഗെയിമില്‍ 8-14ന് പിന്നിലായിരുന്നപ്പോള്‍ മത്സരത്തില്‍ നിന്ന് പിന്മാറുന്നതായി അറിയിക്കുകയായിരുന്നു. സ്കോര്‍ : 9-21, 21-13, 8-14
