ഡച്ച് ഓപ്പണ്‍ വിജയം, റാങ്കിംഗില്‍ കുതിച്ചുയര്‍ന്ന് ലക്ഷ്യ സെന്‍

ഡച്ച് ഓപ്പണിലെ കിരീട ജയം ലക്ഷ്യ സെന്നിനെ തന്റെ കരിയറിലെ ഏറ്റവും മികച്ച റാങ്കിലേക്ക് ഉയര്‍ത്തി. 18 വയസ്സുകാരന്‍ താരം 20 സ്ഥാനങ്ങള്‍ മെച്ചപ്പെടുത്തി റാങ്കിംഗില്‍ തന്റെ ഏറ്റവും ഉയര്‍ന്ന റാങ്കായ 52ാം റാങ്കിലേക്ക് എത്തുകയായിരുന്നു. തന്റെ കരിയറിലെ ആദ്യ ബിഡബ്ല്യുഎഫ് ലോക ടൂര്‍ കിരീടമാണ് കഴിഞ്ഞാഴ്ച യുവ താരം നേടിയത്. കഴിഞ്ഞ ഏതാനും മാസമായി മികച്ച ഫോമിലാണ് താരം കളിക്കുന്നത്.