ആദ്യ റൗണ്ടില്‍ വിജയം നേടി മിക്സഡ് ഡബിള്‍സ് ജോഡി, സമീര്‍ വര്‍മ്മയെ വീഴ്ത്തി ശ്രീകാന്ത് കിഡംബി

സ്വിസ്സ് ഓപ്പണ്‍ ആദ്യ റൗണ്ടില്‍ വിജയം കരസ്ഥമാക്കി ഇന്ത്യയുടെ അശ്വിനി പൊന്നപ്പ – സാത്വിക്സായിരാജ് റാങ്കിറെഡ്ഡി കൂട്ടുകെട്ട്. പുരുഷ വിഭാഗം സിംഗിള്‍സില്‍ ഇന്ത്യന്‍ താരങ്ങളുടെ പോരാട്ടത്തില്‍ ഇന്ത്യയുടെ ശ്രീകാന്ത് കിഡംബി സമീര്‍ വര്‍മ്മയെ പരാജയപ്പെടുത്തി.

ഇന്തോനേഷ്യന്‍ താരങ്ങളായ ഹഫീസ് ഫൈസല്‍ – ഗ്ലോറിയ ഇമ്മാന്വേല്‍ വിഡ്ജാജ കൂട്ടുകെട്ടിനെ 21-18, 21-10 എന്ന സ്കോറിനാണ് ഇന്ത്യയുടെ മിക്സഡ് ഡബിള്‍സ് കൂട്ടുകെട്ട് പരാജയപ്പെടുത്തിയത്. മൂന്ന് ഗെയിം പോരാട്ടത്തിലാണ് കിഡംബിയുടെ വിജയം.

61 മിനുട്ട് നീണ്ട മത്സരത്തില്‍ കിഡംബി 18-21, 21-18, 21-11 എന്ന സ്കോറിന് വിജയം കരസ്ഥമാക്കി.