അടുത്ത കാലത്തായി തന്റെ മികച്ച ഫോമില്‍ കളിക്കാനാകാതെ ബുദ്ധിമുട്ടുന്ന ശ്രീകാന്ത് കിഡംബിയ്ക്ക് തലവേദനയായി പരിക്കും. കാല്‍മുട്ടിനുള്ള പരിക്ക് കാരണം താരം വരാനിരിക്കുന്ന ചൈന ഓപ്പണിലും കൊറിയ ഓപ്പണിലും കളിക്കുകയില്ലെന്ന് അറിയിച്ചു. തന്റെ ട്വിറ്ററിലൂടെയാണ് ആരാധകരെ ഈ വിവരം താരം അറിയിച്ചത്. 2019ല്‍ കാര്യമായ പ്രകടനം താരത്തില്‍ നിന്ന് ഇതുവരെയുണ്ടായിട്ടില്ല. പല ടൂര്‍ണ്ണമെന്റുകളിലും ആദ്യ റൗണ്ടില്‍ തന്നെ കിഡംബി പുറത്തായിരുന്നു. ഇപ്പോള്‍ പരിക്ക് താരത്തിന് അവസരങ്ങള്‍ കൂടി നഷ്ടപ്പെടുത്തുകയാണ്.
Tough times.
Will not be playing in the upcoming #ChinaOpen and #KoreaOpen due to knee injury. Hope to recover quick and get back in action soon! 💪🏻— Kidambi Srikanth (@srikidambi) September 13, 2019
ഒളിമ്പിക്സിന് മുന്നോടിയായി പരിക്ക് മാറി തന്റെ ഫോം പൂര്‍ണ്ണമായും ശ്രീകാന്ത് കിഡംബിയ്ക്ക് വീണ്ടെടുക്കാനാകട്ടെ എന്നാണ് ഇന്ത്യന്‍ ബാഡ്മിന്റണ്‍ ആരാധകരുടെ പ്രതീക്ഷ.
