ആദ്യ ദിവസത്തെ മികച്ച തുടക്കത്തിനു ശേഷം രണ്ടാം ദിവസം ഇന്ത്യയ്ക്ക് തിരിച്ചടി. ജപ്പാന്‍ ഓപ്പണില്‍ പുരുഷ വനിത ഡബിള്‍സ് വിഭാഗങ്ങളില്‍ ഇന്ത്യന്‍ ടീമുകള്‍ക്ക് തോല്‍വിയേറ്റു വാങ്ങേണ്ടി വരികയായിരുന്നു. നേരത്തെ മനു അട്രി-സുമീത് റെഡ്ഢി സഖ്യം വിജയിച്ചുവെങ്കിലും അതിനു ശേഷം സാത്വിക് സായിരാജ്-ചിരാഗ് ഷെട്ടി കൂട്ടുകെട്ടും വനിത വിഭാഗത്തില്‍ അശ്വിനി പൊന്നപ്പ-സിക്കി റെഡ്ഢി ജോഡികളും പരാജയം ഏറ്റുവാങ്ങുകയായിരുന്നു.

17-21, 13-21 എന്ന സ്കോറിനു നേരിട്ടുള്ള ഗെയിമുകളില്‍ ദക്ഷിണകൊറിയന്‍ എതിരാളികളോട് 34 മിനുട്ട് നീണ്ട പോരാട്ടത്തിനൊടുവിലാണ് ഇന്ത്യന്‍ വനിത സംഖ്യത്തിന്റെ പരാജയം. അതേ സമയം ജപ്പാന്‍ താരങ്ങളോട് 12-21, 17-21 എന്ന സ്കോറിനായിരുന്നു സാത്വിക്-ചിരാഗ് കൂട്ടുകെട്ട് തകര്‍ന്നത്.

Loading...