തോമസ് കപ്പ് ബാഡ്മിന്റൺ ചാമ്പ്യന്‍ഷിപ്പിൽ ഗ്രൂപ്പ് സിയിൽ ആദ്യ പരാജയം ഏറ്റു വാങ്ങി ഇന്ത്യ. ഇന്ന് ചൈനീസ് തായ്പേയോട് ഇന്ത്യ 2-3 എന്ന സ്കോറിനാണ് പരാജയപ്പെട്ടത്. ശ്രീകാന്ത് കിഡംബിയും എച്ച് എസ് പ്രണോയിയും തങ്ങളുടെ സിംഗിള്‍സ് മത്സരങ്ങളിൽ വിജയം നേടിയപ്പോള്‍ ലക്ഷ്യ സെന്നും ഡബിള്‍സിലെ അര്‍ജ്ജുന്‍ – ധ്രുവ് ജോഡിയും പൊരുതി വീഴുകയായിരുന്നു.
അതേ സമയം ലക്ഷ്യ സെന്നും ഡബിള്‍സ് കൂട്ടുകെട്ടായ എംആര്‍ അര്‍ജ്ജുന്‍ – ധ്രുവ് കപില കൂട്ടുകെട്ട് എന്നിവര്‍ മൂന്ന് ഗെയിം പോരാട്ടത്തിന് ശേഷം ആണ് പരാജയം ഏറ്റുവാങ്ങിയത്. സാത്വിക് സായിരാജ് – ചിരാഗ് ഷെട്ടി കൂട്ടുകെട്ട് നേരിട്ടുള്ള ഗെയിമിൽ പിന്നിൽ പോയി.
77 മിനുട്ട് നീണ്ട മത്സരത്തിന് ശേഷം ആണ് അര്‍ജ്ജുന്‍ – ധ്രുവ് ജോഡി കീഴടങ്ങിയത്. ആദ്യ രണ്ട് മത്സരങ്ങള്‍ ജയിച്ച ഇന്ത്യ നോക്കൗട്ട് ഘട്ടത്തിലേക്ക് കടന്നു.
