മലയാളി താരം എച് എസ് പ്രണോയ് ഏഷ്യൻ ഗെയിംസ് ബാഡ്മിന്റണിൽ ക്വാർട്ടർ ഫൈനലിലേക്ക് മുന്നേറി. ഇന്ന് കസാകിസ്താന്റെ വാർദാനി ദിമിത്രി പനാറിനെ ആണ് പ്രണോയ് പരാജയപ്പെടുത്തിയത്‌ 21-12, 21-13 എന്നായിരുന്നു സ്കോർ. ഇനി ഒരു മത്സരം കൂടെ വിജയിച്ചാൽ പ്രണോയ് ഒരു മെഡൽ ഉറപ്പിക്കും. നാളെ ആകും ക്വാർട്ടർ ഫൈനൽ നടക്കുക. ലോക ചാമ്പ്യനായ വിറ്റിഡ്സാർൻ പ്രണോയിയുടെ ക്വാർട്ടറിലെ എതിരാളി ആകാൻ സാധ്യത ഉണ്ട്. അങ്ങനെ എങ്കിൽ ശക്തമായ പോരാട്ടം പ്രണോയ് നേരിടും. ലീ സീ ജിയയുൻ കുൻലാവുട്ട് വിറ്റിഡ്സർൻ പ്രീക്വാർട്ടറിൽ ഇന്ന് ഏറ്റുമുട്ടുന്നുണ്ട്.
കഴിഞ്ഞ റൗണ്ടിൽ മംഗോളിയയുടെ ബറ്റ്‌ദാവ മുൻഖ്ബാത്തിനെ 25 മിനിറ്റിനുള്ളിൽ 21-9 21-12 എന്ന സ്‌കോറിന് മറികടന്നായിരുന്നു പ്രണോയ് പ്രീക്വാർട്ടറിലേക്ക് കടന്നത്.
