കൊറിയ കരുത്തര്‍ തന്നെ, ഇന്ത്യയെ 6-0ന് പരാജയപ്പെടുത്തി

അമ്പെയ്ത്തിൽ പുരുഷന്മാരുടെ ക്വാര്‍ട്ടര്‍ ഫൈനലിൽ ഇന്ത്യയെ 6-0ന് പരാജയപ്പെടുത്തി കൊറിയ സെമിയിലേക്ക്. കരുത്തരായ കൊറിയയ്ക്കെതിരെ ഇന്ത്യയ്ക്ക് യാതൊരുവിധത്തിലുമുള്ള പ്രതീക്ഷയില്ലായിരുന്നു. 59-54, 59-57, 56-54 എന്ന നിലയിലാണ് മൂന്ന് സെറ്റുകളും വിജയിച്ച് കൊറിയ മുന്നേറിയത്.

ആദ്യ രണ്ട് സെറ്റുകളില്‍ അഞ്ച് വീതം പെര്‍പെക്ട് ടെന്നുകളാണ് കൊറിയന്‍ സംഘം നേടിയത്. ഇന്ത്യയ്ക്ക് മത്സരത്തിൽ ആകെ നേടാനായത് ആറ് പെര്‍ഫെക്ട് ടെന്നുകളായിരുന്നു. ഇത് തന്നെ കൊറിയ എത്ര മാത്രം കരുത്തരാണെന്നത് കാണിക്കുന്നു.