ഇനിയും വൈകരുത്, ടോക്കിയോ ഒളിമ്പിക്സ് മാറ്റണമെന്ന് അമേരിക്കയും ന്യൂസിലാണ്ടും

Sports Correspondent

Download the Fanport app now!
Appstore Badge
Google Play Badge 1

ടോക്കിയോ ഒളിമ്പിക്സ് നീട്ടി വയ്ക്കണമെന്ന ആവശ്യവുമായി യുഎസ് ഒളിമ്പിക്ക് കമ്മിറ്റിയും ന്യൂസിലാണ്ട് കമ്മിറ്റിയും. കാനഡ തങ്ങള്‍ ഒളിമ്പിക്സിനില്ലെന്നും ഓസ്ട്രേലിയ ഒളിമ്പിക്സ് നീട്ടണമെന്നും ആവശ്യപ്പെട്ടതിന് തൊട്ടുപിന്നാലെയാണ് അമേരിക്കയുടെ ഈ നീക്കം. നാലായിരത്തോളം ഒളിമ്പിക്സ് പാരാലിമ്പിക്സ് കായികതാരങ്ങള്‍ക്കിടയില്‍ സര്‍വ്വേ നടത്തിയ ശേഷമാണ് കമ്മിറ്റിയുടെ ഈ തീരുമാനം.

പൊതുവേ കായിക താരങ്ങള്‍ക്കും ഈ അവസരത്തില്‍ മത്സരവുമായി മുന്നോട്ട് പോകുന്നതിനോട് താല്പര്യമില്ലെന്നാണ് തങ്ങള്‍ മനസ്സിലാക്കുന്നതെന്നും അതിനാല്‍ തന്നെ ഈ സാഹചര്യത്തില്‍ ഒളിമ്പിക്സുമായി മുന്നോട്ട് പോകരുതെന്നുമാണ് അമേരിക്കയുടെ ആവശ്യം.

നേരത്തെ ന്യൂസിലാണ്ട് ഒളിമ്പിക്സ് കമ്മിറ്റിയും ഇത്തരതില്‍ ഒരു സര്‍വ്വേ നടത്തിയിരുന്നു. അതിനെ മാതൃകയാക്കിയാണ് അമേരിക്കയും ഈ സമീപനം സ്വീകരിച്ചത്.