പാരീസ് ഒളിമ്പിക്സിൽ നിരാശയുടെ ആദ്യ ദിനത്തിൽ ഇന്ത്യക്ക് ആശ്വാസമായി മനു ഭാകർ. വനിതകളുടെ 10 മീറ്റർ എയർ പിസ്റ്റൾ ഇനത്തിൽ ആണ് താരം ഫൈനൽ പ്രവേശനം ഉറപ്പിച്ചത്. 580 പോയിന്റുകൾ നേടിയ മുൻ ലോക ഒന്നാം നമ്പർ താരമായ 22 കാരി മൂന്നാമത് ആയാണ് ഫൈനൽ ഉറപ്പിച്ചത്. താരത്തിന് ഒപ്പം മത്സരിച്ച റിത്വം സംഗ്വാനു 573 പോയിന്റുകളും ആയി 15 സ്ഥാനത്ത് ആണ് എത്താൻ ആയത്.
3 കൊല്ലം മുമ്പ് ടോക്കിയോ ഒളിമ്പിക്സിലെ കണ്ണീർ ആണ് ഇത്തവണത്തെ പ്രകടനത്തോടെ മനു മായിച്ചു കളഞ്ഞത്. അന്ന് വലിയ പ്രതീക്ഷയോടെ ഷൂട്ട് ചെയ്ത താരം യോഗ്യതയിൽ 12 മത് ആവുക ആയിരുന്നു. 582 പോയിന്റ് നേടിയ ഹംഗേറിയൻ ഷൂട്ടർ വെറോണിക മേജർ ആണ് യോഗ്യതയിൽ ഒന്നാമത് എത്തിയത്. നാളെ 3.30 നു ആണ് ഫൈനൽ ആരംഭിക്കുക.
