ലഗാറ്റോർ കേരള ബ്ലാസ്റ്റേഴ്സിന് മികച്ച സംഭാവനകൾ നൽകും എന്നാണ് പ്രതീക്ഷ – ടി ജി പുരുഷോത്തമൻ

കേരള ബ്ലാസ്റ്റേഴ്സിന്റെ പുതിയ സൈനിംഗ് ആയ ദൂസൻ ലഗാറ്റോർ ക്ലബിന് മികച്ച സംഭാവനകൾ നൽകും എന്ന് പ്രതീക്ഷ പ്രകടിപ്പിച്ച് കേരള ബ്ലാസ്റ്റേഴ്സിന്റെ താല്ല്കാലിക പരിശീലകൻ ടി ജി പുരുഷോത്തമൻ. ലഗാറ്റോർ ഇപ്പോൾ ക്ലബിൽ എത്തിയിട്ടേ ഉള്ളൂ. അദ്ദേഹം പെട്ടെന്ന് ക്ലബുമായി അഡാപ്റ്റ് ചെയ്യും എന്ന് പ്രതീക്ഷിക്കുന്നു. ടി ജി പറഞ്ഞു.

നോർത്ത് ഈസ്റ്റിന് എതിരെ സബ്ബായി ഇറങ്ങി ലഗാറ്റോർ കേരള ബ്ലാസ്റ്റേഴ്സിനായി അരങ്ങേറ്റം നടത്തിയിരുന്നു. ലഗാറ്റോർ മികച്ച താരമാണ്. അദ്ദേഹം എങ്ങനെ സാഹചര്യങ്ങളുമായി പൊരുത്തപ്പെടും എന്ന് നോക്കാം. അദ്ദേഹത്തിൽ നിന്ന് നല്ല സംഭാവനകൾ ലഭിക്കും എന്ന് വിശ്വസിക്കുന്നു. എല്ലാം നല്ല രീതിയിൽ നടക്കട്ടെ. ടി ജി പുരുഷോത്തമൻ പറഞ്ഞു.